Javed Akhtar: નવી પેઢીના એક્ટર્સ પર જાવેદ અખ્તરનો કટાક્ષ, કહ્યુ - હિંદી ડાયલૉગ વાંચી પણ નથી શકતા

Javed Akhtar: પ્રખ્યાત ગીતકાર અને લેખક જાવેદ અખ્તર પોતાના વિવાદાસ્પદ નિવેદનોને કારણે અવારનવાર ચર્ચામાં રહે છે. હાલમાં જ એક ઈન્ટરવ્યુ દરમિયાન તેમણે રણબીર કપૂરની ફિલ્મને ખતરનાક ગણાવી હતી. એટલું જ નહીં તેમણે હવે નવી પેઢીના કલાકારો પર નિશાન સાધ્યું છે.

જાવેદ અખ્તર દરેક મુદ્દા પર ખુલ્લેઆમ પોતાનો અભિપ્રાય વ્યક્ત કરે છે. તાજેતરમાં તેમણે નવી પેઢીના કલાકારો પર કટાક્ષ કર્યો અને કહ્યું કે આજે ફિલ્મ ઉદ્યોગમાં આપણે મોટાભાગે નવા કલાકારો માટે રોમનમાં સંવાદો લખીએ છીએ કારણ કે તેઓ હિન્દી ભાષામાં વાંચી શકતા નથી. તેથી તેમના માટે અંગ્રેજીમાં સ્ક્રીપ્ટ લખવી પડે છે.

ઈન્ડિયા ઈન્ટરનેશનલ સેન્ટર ખાતે આયોજિત કાર્યક્રમ 'હિન્દી અને ઉર્દૂઃ સિયામી ટ્વિન્સ'માં ભાષા પર વાત કરતી વખતે, જાવેદ અખ્તરે ઉર્દૂ ભાષા વિશે વાત કરતા કહ્યું, '200 વર્ષથી સત્તાવાળાઓ માનતા હતા કે હિન્દી અને ઉર્દૂ અલગ છે. પરંતુ આ હોવા છતાં તે હંમેશા એક હતા. તત્કાલીન પૂર્વ પાકિસ્તાનના બંગાળીઓએ કહ્યું કે તેઓ મરી જશે પણ ઉર્દૂનો અભ્યાસ નહીં કરે. પણ શું આ 10 કરોડ લોકો ઉર્દૂ બોલતા હતા?

હિન્દી સંસ્કૃતિ પર વાત કરતા જાવેદ અખ્તરે કહ્યું કે, હું હિન્દુસ્તાનીઓ (ભારતીયો) માટે હિન્દુસ્તાની લખું છું. હું ઉર્દૂ અને હિન્દી લોકો માટે નથી લખતો. જો એક ભારતીય હોવાને કારણે જે દિવસે તમારી હિન્દી ભાષા જાણવા અને વાંચવાની રુચિ વધશે, તે દિવસે તમારી ભાષા સારી બની જશે. એકંદરે, હિન્દી વિના ઉર્દૂ અધૂરી છે. હિન્દી શબ્દોમાંથી ઉર્દૂ ભાષાની રચના થઈ છે.

જાવેદ અખ્તરે ઉર્દૂ અને હિન્દી ભાષા વિશે વાત કરતાં કહ્યું કે ભાષા ગમે તે હોય, તેને ધર્મ સાથે કોઈ લેવાદેવા નથી. આજે આપણા યુવાનોએ આ શબ્દોનો યોગ્ય ઉપયોગ કરવાની જરૂર છે. તમને જણાવી દઈએ કે આ પહેલા પણ જાવેદ અખ્તર બૉલિવુડ ઈન્ડસ્ટ્રી પર ઘણી વખત આકરા પ્રહારો કરી ચૂક્યા છે.

English summary

New generation actors can't even read hindi scripts taunt Javed Akhtar