રણબીર કપૂર 'રામ' બનવા માટે વસૂલશે આટલી મોટી ફી, સાઈ પલ્લવીની ડબલ, યશનો ચાર્જ સાંભળી ચોંકી જશો

Ramayana Star Caste Fees: બૉલિવુડ એક્ટર રણબીર કપૂર હાલમાં પોતાની આગામી ફિલ્મ રામાયણને લઈને ચર્ચામાં છે. હાલમાં જ સમાચાર આવ્યા હતા કે ફિલ્મનું શૂટિંગ શરૂ થઈ ગયું છે. રણબીરને પહેલીવાર ભગવાન રામના અવતારમાં જોવા માટે ચાહકો આતુર છે. આ ફિલ્મ માટે તમામ કલાકારો ભારે ફી વસૂલી રહ્યા છે.

રામાયણ ફિલ્મમાં જ્યાં રણબીર કપૂર ભગવાન રામની ભૂમિકામાં જોવા મળશે તો સાઈ પલ્લવી માતા સીતાની ભૂમિકા ભજવતી જોવા મળશે. અમુક અહેવાલોમાં દાવો કરવામાં આવી રહ્યો છે કે રણબીરે ભગવાન રામ બનવા માટે સૌથી વધુ ફી વસૂલ કરી છે. રિપોર્ટમાં દાવો કરવામાં આવી રહ્યો છે કે અભિનેતાએ 75 કરોડ રૂપિયા ચાર્જ કર્યા છે.

કેટલાક રિપોર્ટ્સમાં દાવો કરવામાં આવ્યો છે કે રણબીર કપૂર એક ફિલ્મ માટે 70 કરોડ રૂપિયા લે છે. પરંતુ ફિલ્મ એનિમલની સફળતા બાદ અભિનેતાએ પોતાની ફી વધારી દીધી છે. તમને જણાવી દઈએ કે ફિલ્મ રામાયણ 3 ભાગોમાં બનાવવામાં આવશે, તેથી કલાકારો કુલ 225 કરોડ રૂપિયા ચાર્જ કરશે. જો કે આ પાત્ર માટે તે ઘણી મહેનત કરી રહ્યો છે.

સાઈ પલ્લવીની ફિલ્મમાં માતા સીતાના રોલમાં જોવા મળશે. રિપોર્ટ્સનું માનીએ તો તે સીતા બનવા માટે 6 કરોડ રૂપિયા ચાર્જ કરી રહી છે. ત્રણ ભાગ પ્રમાણે તેની ફી લગભગ 18 કરોડ રૂપિયા છે. જોકે, તેની ફી રણબીરની સરખામણીએ ઓછી છે. મળતી માહિતી મુજબ, સાઈ પલ્લવી દરેક ફિલ્મ માટે લગભગ 2.5થી 3 કરોડ રૂપિયા ચાર્જ કરે છે.

સાઉથનો સુપરસ્ટાર યશ ફિલ્મ રામાયણમાં રાવણની ભૂમિકા ભજવવા જઈ રહ્યો છે. પરંતુ રણબીરની સરખામણીમાં તેણે માત્ર 50 કરોડ રૂપિયા જ ચાર્જ કર્યા છે. અભિનેતા ત્રણ ભાગમાં લગભગ 150 કરોડ રૂપિયા લેશે. મીડિયા રિપોર્ટસ અનુસાર, નિતેશ તિવારી આ ફિલ્મ બનાવવામાં પાણીની જેમ પૈસા ખર્ચી રહ્યા છે. તેમણે મુંબઈમાં રામ મંદિરનો સેટ બનાવ્યો છે, જેનું બજેટ 11 કરોડ રૂપિયા હોવાનું કહેવાય છે.

English summary

Nitesh Tiwari Ramayana star caste fees, Ranbir Kapoor, Sai Pallavi and Yash will charges crores, Read inside details.