Aryan Khan Dating with Sadia Khan: આર્યન ખાન સાથે ડેટિંગના સમાચારો પર પાકિસ્તાની અભિનેત્રીએ તોડ્યુ મૌન

શાહરુખ ખાનના દીકરા આર્યન ખાનના પાકિસ્તાની અભિનેત્રી સાદિયા ખાન સાથે ડેટિંગના સમાચારો પર અભિનેત્રીએ મૌન તોડીની સચ્ચાઈ જણાવી છે.

Aryan Khan Dating with Sadia Khan: બૉલિવુડ સુપર સ્ટાર શાહરુખ ખાનના દીકરા આર્યન ખાન અને પાકિસ્તાની અભિનેત્રી સાદિયા ખાનની સેલ્ફી હાલમાં છવાયેલી છે. બંનેનો ફોટો વાયરલ થયા બાદ લોકો એ અટકળો લગાવવા લાગ્યા કે આર્યન ખાન સાદિયાને ડેટ કરી રહ્યો છે. જો કે, હવે આ બધી અટકળો પર ખુદ પાકિસ્તાની અભિનેત્રીએ મૌન તોડ્યુ છે અને ફેન્સને હકીકત જણાવી છે.

આર્યન ખાન સાથે વાયરલ થયો હતો ફોટો

આર્યન ખાન સાથેની આ તસવીર ખુદ પાકિસ્તાની અભિનેત્રી સાદિયા ખાને શેર કરી છે. આ ફોટો વાયરલ થયા બાદ તેમના ડેટિંગના સમાચારો ચર્ચામાં આવ્યા હતા. ફેન્સ અનુમાન કરવા લાગ્યા કે આર્યન અને સાદિયા બંને એકબીજાને ડેટ કરી રહ્યા છે. જો કે હવે સાદિયાએ પોતે જ આ તમામ અટકળો પર પૂર્ણવિરામ મૂકી દીધુ છે.

View this post on Instagram

A post shared by @sadiakhanofficial

સાદિયા ખાને શું કહ્યુ

યુએઈ સિટી ટાઈમ્સ સાથેની વાતચીતમાં સાદિયાએ કહ્યુ કે આ ખૂબ જ વિચિત્ર છે કે લોકો આ પ્રકારની વાતો બનાવે છે. લોકો મારા અને આર્યન વિશે આવી વાતો કરી રહ્યા છે, જ્યારે તેમને કંઈ ખબર પણ નથી. સમાચારના નામે આ બધી બાબતો પર અમુક મર્યાદા હોવી જોઈએ.

View this post on Instagram

A post shared by @sadiakhanofficial

'હું એકલી નથી જેણે...'

સાદિયાએ ન્યૂ યર પાર્ટી વિશે પણ વાત કરી હતી જ્યાં આર્યન ખાન સાથે તેની તસવીર વાયરલ થઈ હતી. અભિનેત્રીએ કહ્યુ કે તે પાર્ટીમાં અન્ય સ્ટાર્સને પણ મળી હતી અને તેમની સાથે ફોટા પડાવ્યા હતા. તેનો અર્થ એ નથી કે અમે ડેટિંગ કરી રહ્યા છીએ. આર્યન ખાન સાથે તસવીરો પડાવનાર માત્ર હું જ નથી. અન્ય લોકો પણ છે જેમણે આર્યન સાથે ફોટા પાડ્યા અને પોસ્ટ પણ કરી છે. પરંતુ હું એકલી જ છુ જેનો ફોટો જોઈને લોકો આવી અટકળો કરવા લાગ્યા.

View this post on Instagram

A post shared by @sadiakhanofficial

બધી અટકળો પર પૂર્ણ વિરામ

સાદિયાએ તેના અને આર્યન ખાનના સંબંધો વિશેની અટકળો પર પૂર્ણવિરામ મૂકી દીધુ અને કહ્યુ કે હું બધી અફવાઓ પર વિરામ મૂકુ છુ. આર્યન ખાન ખૂબ જ સારા સ્વભાવનો છે. અમારા વિશે આમ બોલવાનુ બંધ કરો. તમને પ્રેમ અને આદર.

નોરા ફતેહી સાથે ડેટિંગની ચર્ચા

તમનેજણાવી દઈએ કે માત્ર પાકિસ્તાની એક્ટ્રેસ જ નહિ પરંતુ નોરા ફતેહી સાથે આર્યન ખાનના સંબંધોની પણ જોરદાર ચર્ચા થઈ હતી. જો કે, નોરા ફતેહીએ આર્યન સાથે ડેટિંગના સમાચારો પર મૌન સેવી લીધુ છે. નોરાએ આ અંગે ખુલીને કશુ કહ્યુ નથી.

English summary

Pakistani actress Sadia Khan breaks silence on dating rumours with Aryan Khan