Deepika Padukone પછી હવે આ અભિનેત્રી આપશે ગુડ ન્યૂઝ! 5 મહિના પહેલા થયા હતા લગ્ન

Published: Tuesday, March 5, 2024, 13:57 [IST]

Parineeti Chopra Pregnancy Rumours: વર્ષ 2024 બૉલિવુડ ઈન્ડસ્ટ્રી માટે ખૂબ જ ખાસ છે. તમામ મોટા સ્ટાર્સ એક પછી એક સારા સમાચાર આપી રહ્યા છે. હાલમાં જ પ્રખ્યાત અભિનેત્રી યામી ગૌતમ બાદ દીપિકા પાદુકોણે ચાહકોને પ્રેગ્નન્સીના સમાચાર આપ્યા હતા. હવે પરિણીતિ ચોપડા પણ પ્રેગ્નન્સીની અફવાઓને લઈને ચર્ચામાં આવી છે.

પરિણીતિ ચોપડા એરપોર્ટ પર જોવા મળી હતી. આ દરમિયાન તે બ્લેક કલરની લૂઝ મેક્સી પહેરીને કેઝ્યુઅલ લુકમાં જોવા મળી હતી. આ સાથે અભિનેત્રીએ ખુલ્લા વાળ સાથે પોતાનો લુક કમ્પ્લીટ કર્યો હતો. પરંતુ તે ખૂબ જ કાળજીપૂર્વક અને ધીમેથી ચાલી રહી હતી. અભિનેત્રીનો લુક જોઈને ચાહકો અનુમાન લગાવી રહ્યા છે કે તે પ્રેગ્નેન્ટ છે.

વાસ્તવમાં, પરિણીતિ ચોપડાએ જે રીતે મેક્સી પહેરી હતી તે જોઈને ચાહકોએ દરેક પ્રકારના સવાલો પૂછવા માંડ્યા હતા. તે એરપોર્ટ પર ખૂબ જ ધીમે અને આરામથી ચાલી રહી હતી જ્યારે અભિનેત્રી ઘણીવાર ઉતાવળમાં જોવા મળે છે. હવે એક્ટ્રેસનો આ વીડિયો ખૂબ જ ચર્ચામાં આવ્યો છે. સોશિયલ મીડિયા પર સમાચાર વહેવા લાગ્યા કે પરિણીતિ ચોપરા પ્રેગ્નન્ટ છે.

ફેન્સ પરિણીતિ ચોપડાના વીડિયો પર સતત કોમેન્ટ કરી રહ્યા છે. એક યુઝરે લખ્યું, પરિણીતિ પણ હવે સારા સમાચાર આપવા જઈ રહી છે. એક યુઝરે લખ્યું, પરિણીતિ અને રાઘવ મમ્મી-પપ્પા બનવા જઈ રહ્યા છે. અન્ય યુઝરે લખ્યું, 'અરે તે પ્રેગ્નેન્ટ છે.' જો કે, આ અફવાઓ પર પરિણીતિ તરફથી કોઈ પ્રતિક્રિયા આવી નથી, ન તો અભિનેત્રીએ પ્રેગ્નન્સીના સમાચારની પુષ્ટિ કરી છે. પરંતુ વીડિયો સામે આવ્યા બાદ ફેન્સની ખુશીની કોઈ સીમા નથી રહી.

તમને જણાવી દઈએ કે પરિણીતિ ચોપડાએ ગયા વર્ષે આપ નેતા રાઘવ ચઢ્ઢા સાથે લગ્ન કર્યા હતા. 24 સપ્ટેમ્બર, 2023ના રોજ રાજસ્થાનના ઉદયપુરમાં દંપત્તિએ સાત ફેરા લીધા હતા. જેમાં દંપત્તિના પરિવારના સભ્યો અને ખાસ મિત્રોએ ભાગ લીધો હતો. અભિનેત્રીના વર્ક ફ્રન્ટની વાત કરીએ તો તે છેલ્લે ફિલ્મ મિશન રાનીગંજમાં જોવા મળી હતી. હવે તે દિલજીત દોસાંઝ સાથે ફિલ્મ ચમકીલામાં જોવા મળશે.