Payel Mukherjee : કોણ છે બંગાળી અભિનેત્રી પાયલ મુખર્જી? જાણો કેમ તેની કાર પર હુમલો થયો?
Payel Mukherjee : બંગાળી અભિનેત્રી પાયલ મુખર્જીની કાર પર હુમલો થયા બાદ તે ચર્ચામાં આવી છે. બાઈક સવાર દ્વારા હુમલો કરાયા બાદ તે સોશિયલ મીડિયા પર ચર્ચામાં આવી ગઈ.
કોલકાતાના ડૉક્ટર બળાત્કાર-હત્યા કેસના વિવાદ વચ્ચે બંગાળી અભિનેત્રી પાયલ મુખર્જી પર હુમલો થયો છે. બાઇક સવારે તેણીની કાર પર હુમલો કર્યા બાદ અભિનેત્રીએ પોતે ફેસબુક લાઈવ પર આવીને માહિતી આપી.
પાયલ મુખર્જીએ ફેસબુક લાઈવ પર આવીને જણાવ્યું કે તે કોલકાતાના સાઉથ એવન્યુમાંથી પસાર થઈ રહી હતી. ત્યારે અચાનક એક બાઇક આવીને કાર સાથે અથડાયું હતું. પછી તે બાઇક સવારે અભિનેત્રીને કારનો કાચ નીચે કરવા કહ્યું.
જ્યારે અભિનેત્રીએ આમ ન કર્યુ તો તેને મુક્કો મારીને કાચ તોડી નાખ્યો અને કારમાં સફેદ પાવડર જેવું કંઈક ઠાલવી દીધુ. પાયલ મુખર્જી ફેસબુક લાઈવમાં રડતી જોવા મળી હતી. તેણીએ કહ્યું કે તે ખૂબ જ ડરી ગઈ હતી. પરંતુ પોલીસે સ્થળ પર આવીને કાર્યવાહી કરી બાઇક ચાલકને રંગે હાથે પકડી લીધો.
પાયલ મુખર્જીએ બંગાળી ઉપરાંત સાઉથની ફિલ્મોમાં પણ કામ કર્યું છે. તે લાંબા સમયથી મનોરંજનની દુનિયામાં સક્રિય છે. તેની ફિલ્મોની વાત કરીએ તો તેણે ધ સીવેજ ઓફ રોબિન હૂડ અને શ્રીરંગાપુરમ જેવી ફિલ્મોમાં કામ કર્યું છે. તેણે હિન્દી ફિલ્મોમાં પણ કામ કર્યું છે. તેણી વો તીન દિનમાં સંજય મિશ્રા સાથે જોવા મળી હતી.
પાયલ મુખર્જીના આગામી પ્રોજેક્ટ્સની વાત કરીએ તો તે અંતર યુદ્ધ, ઇન સર્ચ ઑફ સનશાઇન, નોન સ્ટોપ ધમાલ અને પુલ્લુ જેવી ફિલ્મોમાં જોવા મળશે. નોન સ્ટોપ ધમાલમાં તે રાજપાલ યાદવ સાથે જોવા મળશે. અભિનેત્રી 2017 થી ફિલ્મ ઉદ્યોગમાં સક્રિય છે અને સતત કામ કરી રહી છે.
પાયલ મુખર્જી સોશિયલ મીડિયા પર પણ એક્ટિવ રહે છે. તેના 2.2 લાખ ફોલોઅર્સ છે. હાલમાં જ તે અલ્તમશ ફરીદીના ગીતમાં ગ્લેમરસ અંદાજમાં જોવા મળી હતી. આ ગીત જુલાઈમાં રિલીઝ થયું હતું. તેની સાથે ગુલતેશામ જોવા મળ્યો હતો.
હાલમાં જ પાયલ મુખર્જીએ પણ સોશિયલ મીડિયા પર કોલકાતા રેપ કેસ પર પ્રતિક્રિયા આપી હતી. કોર્ટમાં સુનાવણીનો વીડિયો શેર કરતા તેણે લખ્યું કે, મૃતકની તસવીરો સોશિયલ મીડિયા પર દરરોજ શેર કરવામાં આવી રહી છે. દેશના નાગરિક બનીને આપણે આવા ખોટા કામો કરીએ છીએ તે ખૂબ જ શરમજનક છે.
Click it and Unblock the Notifications
Sign in with Google
