કુંદા ખોલ...થી ફેવીકૉલ... 2012માં છવાઈ રહ્યાં આયટમ સૉંગ

Published: Friday, December 28, 2012, 16:26 [IST]

મુંબઈ, 28 ડિસેમ્બર : બૉલીવુડમાં છેલ્લા કેટલાંક વર્ષોથી આયટમ સૉંગ જાણે ફિલ્મની પ્રસિદ્ધિ અને સફળતા માટેનું માપદંડ બની ગયું હોય, તેમ દર બે ફિલ્મોએ એક આયટમ સૉંગ આવતું જ રહે છે.

છેલ્લે સલમાન ખાનની ફિલ્મ દબંગ 2માં ફેવીકૉલ સૉંગે ખૂબ ધમાલ મચાવી. ગત 21મી ડિસેમ્બરે રિલીઝ થયેલ દબંગ 2માં ફેવીકૉલ સે.. ઉપર કરીના કપૂરે આયટમ નંબર કર્યું છે.

આવો આપણે જોઇએ વર્ષ 2012માં બૉલીવુડમાં છવાયેલા રહેલા કુંદા ખોલથી ફેવીકૉલ સુધીના આયટમ સૉંગને તસવીરોમાં.

આ રે પ્રીતમ પ્યારે...

રાઉડી રાઠોડ ફિલ્મમાં આ રે પ્રીતમ પ્યારે આયટમ સૉંગે ખૂબ ધમાલ મચાવી. આ ગીત ઉપર મુમૈઠ ખાન, મરિયમ ઝકરિયા તથા શક્તિ મોહને પરફૉર્મ કર્યુ હતું.

આગા બાઈ...

ફિલ્મ ઐય્યામાં રાણી મુખર્જી અને પૃથ્વીરાજે રજુ કર્યુ આગા બાઈ સૉંગ.

ચિકની ચમેલી...

ચિકની ચમેલી... ગીત તો આ વર્ષનું કદાચ સૌથી હૉટ આયટમ સૉંગ છે કે જે ફિલ્મ અગ્નિપથમાં કૅટરીના કૈફે કર્યુ હતું.

બિપાશા સૉંગ

ફિલ્મ જોડી બ્રેકર્સમાં બિપાશા બાસુએ પોતાના નામ સાથે સંકળાયેલ બિપાશા આયટમ સૉંગ કરી ધમાલ મચાવી.

ફન બન ગઈ...

વીણા મલિકે ફિલ્મ તેરે નાલ લવ હો ગયામાં ફન બન ગઈ... આયટમ સૉંગ દ્વારા પોતાની હૉટ અદાઓ રજુ કરી.

અનારકલી ડિસ્કો ચલી...

દબંગ ફિલ્મમાં મુન્ની બદનામ હુઈ... દ્વારા ધૂમ મચાવનાર મલાઇકા અરોરા ખાને હાઉસફુલ 2 ફિલ્મમાં અનારકલી ડિસ્કો ચલી... આયટમ સૉંગ કરી ફરી એક વાર પોતાને શ્રેષ્ઠ આયટમ ગર્લ સાબિત કરવાનો સફળ પ્રયત્ન કર્યો.

રમ વ્હિસ્કી...

એવું નથી કે આયટમ સૉંગ માત્ર આયટમ ગર્લ જ કરી શકે. આપણાં હૉટ જ્હૉન અબ્રાહમે ફિલ્મ વિકી ડોનરમાં રમ વ્હિસ્કી સૉંગ... કરી આ વાત સાબિત કરી આપી કે આયટમ બૉય પણ કમાલ કરી શકે છે.