Pics : ખૂબ જામી વિદ્યા-સિદ્ધાર્થની સંગીત સેરેમની

Published: Wednesday, December 12, 2012, 12:28 [IST]

મુંબઈ, 12 ડિસેમ્બર : ધ ડી-ડે હવે આવી ગયો છે. સૈફ અલી ખાન અને કરીના કપૂર બાદ હવે વિદ્યા બાલનનો વારો છે પોતાના બૉયફ્રેન્ડ સિદ્ધાર્થ રૉય કપૂર સાથે પરણવાનો. ગઈકાલે રાતે યોજાયેલી સંગીત સેરેમની વિદ્યા બાલન અને સિદ્ધાર્થ રૉય કપૂરના લગ્નનો પ્રથમ પ્રસંગ હતો.

સંગીત સેરેમની ખૂબ જ અંગત રીતે યોજાઈ હતી. તેમાં વર-કન્યાના નજીકના પરિજનો ઉપરાંત બૉલીવુડના કેટલાંક ક્લોઝ ફ્રેન્ડ્સ હાજર રહ્યા હતાં. વિદ્યા અને સિદ્ધાર્થના લગ્ન ચેમ્બૂર ખાતે છેડાનગરમાં આવેલ સુબ્રમણ્યન સમાજ મંદિરમાં આગામી 14મી ડિસેમ્બર, 2012 શુક્રવાર સવારે થવાના છે.

એક વેબસાઇટના જણાવ્યા મુજબ વિદ્યા તરફથી લગ્નની તૈયારીઓ જોરશોરથી ચાલી રહી છે. સિદ્ધાર્થ તરફથી તેમના ભાઇઓ કુણાલ તેમજ આદિત્ય આ લગ્ન અંગે કંઈક ખાસ પ્લાનિંગ કરી રહ્યાં છે. વિદ્યાના પિતરાઇઓ વિદ્યાના હિટ ગીત ઉપર પરફૉર્મ કરવાની તૈયારી કરી રહ્યાં છે.

આવો આપને બતાવીએ વિદ્યા-સિદ્ધાર્થની સંગીત સેરેમનીની કેટલીક તસવીરો.