પૂજાને આજેય પીડે છે ‘રોગ’ : જુઓ વિવાદાસ્પદ પોસ્ટરો!

Updated: Thursday, February 5, 2015, 11:10 [IST]

મુંબઈ, 28 જાન્યુઆરી : પૂજા ભટ્ટની ફિલ્મ રોગ વર્ષ 2005માં રિલીજ થઈ હતી, પરંતુ તેના પોસ્ટરમાં અશ્લીલતા અંગે મુશ્કેલીઓ આજે પણ ચાલુ જ છે. પૂજા ભટ્ટ આજે પણ આ અંગેના નિર્ણયની રાહ જોઈ રહ્યાં છે, જ્યારે પોસ્ટરને અનાપત્તિ પ્રમાણપત્ર એટલે કે એનઓસી મળી ચુક્યુ હતું.

પૂજા ભટ્ટે મંગળવારે ટ્વિટર પર લખ્યું - પોતાના કાયમી અડ્ડા અદાલતમાં છું. સૌની પાસેથી એનઓસી પ્રાપ્ત કરનાર મારી ફિલ્મ રોગના પોસ્ટરમાં અશ્લીલતા કેસની સુનાવણીની રાહ જોઈ રહી છું. તેમણે પછી ટ્વીટ કર્યું - ભલે નિર્માતાઓએ સમગ્ર પ્રચાર માટે તેમના એસોસિએશન તેમજ સેંસર બોર્ડ પાસેથી એનઓસી પ્રાપ્ત કરી લીધી હોય, તેઓ હજીય અદાલતને ઢસડી રહ્યાં છે. પરંતુ પૂજાને આશા છે કે કેસ ટુંકમાં જ ઉકેલાઈ જશે. પૂજા ભટ્ટ લખે છે - હું તેને ધૈર્ય અને વિશ્વાસ દ્વારા પામી લઇશ, પણજ્યારે હું પોતાની આજુબાજુ ન્યાયની માંગણી કરતા હતાશ ચહેરાઓ જોઉ છું, તો નિરાશ થી જાઉ છું.

નોંધનીય છે કે રોગ ફિલ્મના પ્રચાર પોસ્ટરમાં દક્ષિણ આફ્રીકી મૉડેલ એલિના હમ્માનને ઓછા કપડામાં બતાવવા બદલ જાન્યુઆરી-2005માં પૂજા ભટ્ટ સામે કેસ નોંધાવવામાં આવ્યો હતો. સામાજિક કાર્યકર વિનોદ જૈન દ્વારા પૂજા તથા તેમની કમ્પની ફિશ આઈ નેટવર્ક પ્રાઇવેટ લિમિટેડ વિરુદ્ધ નોંધાવવામાં આવેલ કેસને પુરતા સબૂતોના અભાવે અદાલતે બંધ કરી દીધો હતો. જાન્યુઆરી-2011માં સત્ર અદાલતે કેસ ફરીથી ખોલ્યો અને મજિસ્ટ્રેટ અદાલતના આદેશને ફગાવી દીધો. જોકે કેસ પતાવવા માટે નવેમ્બર-2012માં પૂજાએ મુંબઈ હાઈકોર્ટના દરવાજા ખખડાવ્યા હતાં.

ચાલો હાલ તો આપને બતાવીએ વિવાદાસ્પદ પોસ્ટરોની તસવીરી ઝલક :