Preview : આલિયા-વરુણની Hot કેમેસ્ટ્રી બનશે હમ્પ્ટી શર્મા કી દુલ્હનિયાની યૂએસપી?

Updated: Thursday, July 10, 2014, 16:56 [IST]

મુંબઈ, 10 જુલાઈ : આ શુક્રવારે એટલે કે આવતીકાલે 11મી જુલાઈના રોજ રૂપેરી પડદે આલિયા ભટ્ટની વધુ એક ફિલ્મ રિલીઝ થવા જઈ રહી છે. મહેશ ભટ્ટની નાની દીકરી આલિયાની આ ચોથી ફિલ્મ છે કે જેનું નામ હમ્પ્ટી શર્મા કી દુલ્હનિયા છે. ફિલ્મમાં આલિયાના હીરો વરુણ ધવન છે. આ એ જ વરુણ છે કે જેમની સાથે સ્ટુડન્ટ ઑફ ધ ઈયર ફિલ્મ દ્વારા આલિયાએ બૉલીવુડ કૅરિયર શરૂ કર્યુ હતું. આલિયા-વરુણ રીયલ લાઇફમાં ખૂબ સારા મિત્રો છે અને તેથી જ ફિલ્મના દિગ્દર્શકોને સમ્પૂર્ણ વિશ્વાસ છે કે બંનેની રીયલ કેમેસ્ટ્રી રૂપેરી પડદે લોકોને અનુભવાશે.

હમ્પ્ટી શર્મા કી દુલ્હનિયામાં વરુણ ધવન એક સીધા-સાદા ક્રિકેટ પ્રેમી હમ્પ્ટી શર્માની ભૂમિકા ભજવી રહ્યાં છે કે જેમની દુલ્હનિયા બની છે કાવ્યા પ્રતાપ સિંહ એટલે કે આલિયા ભટ્ટ. ફિલ્મમાં તે તમામ ફ્લેવર્સ જણાય છે કે જે આજકાલની સફળ ફિલ્મો માટે જરૂરી ગણાતા હોય છે.

છેલ્લે મૈં તેરા હીરો ફિલ્મમાં દેખાયેલા વરુણ ધવન હમ્પ્ટી શર્મા કી દુલ્હનિયામાં દેસી હીરોના અંદાજમાં દેખાઈ રહ્યાં છે, તો છેલ્લે હાઈવે ફિલ્મમાં દેખાયેલા આલિયા ભટ્ટ પણ દેસી દુલ્હનિયા તરીકે જરાય ઓછા આવે તેમ નથી. ફિલ્મમાં આલિયા ભટ્ટ કરીના કપૂરના ફૅન છે. ફિલ્મમાં વિદેશી વિલનનો રોલ બાલિકા વધુ ફૅમ સિદ્ધાર્થ શુક્લા ભજવી રહ્યાં છે. ફિલ્મનું નિર્માણ કરણ જૌહરે કર્યુ છે, તો દિગ્દર્શક શશાંક ખેતાનનું છે.

ચાલો તસવીરો સાથે કરીએ હમ્પ્ટી શર્મા કી દુલ્હનિયા ફિલ્મનું પ્રિવ્યૂ :

મોજ-મસ્તી માટે

જીવનની વ્યસ્તતાના પગલે માણસ બહુ થાકી જાય છે. તેથી હમ્પ્ટી શર્મા કી દુલ્હનિયા એક રિલેક્સ ડોઝ બની શકે છે. કહે છે કે ફિલ્મના ફની મોમેંટ્સ આપને હસવા માટે મજબૂર કરી નાંખશે.

આલિયા-વરુણની હૉટ કેમેસ્ટ્રી

પોતાની પહેલી જ ફિલ્મ સ્ટુડન્ટ ઑફ ધ ઈયરથી જ આલિયા-વરુણની હૉટ કેમેસ્ટ્રી લોકોને માથે ચઢી પોકારી રહી હતી. તેથી બંનેને પુનઃ પડદા પર જોવુ પણ અનેરો લ્હાવો બની શકે.

મસ્તીભર્યા ગીતો

એમ તો હમ્પ્ટી શર્મા કી દુલ્હનિયાના ગીતો તમામ લગ્ન-પાર્ટીઓમાં વાગી રહ્યાં છે. તેથી જો મસ્તીનો મૂડ હોય, તો ફિલ્મના ગીતો ડબલ મજા આપશે.

સિદ્ધાર્થ શુક્લા

ટેલીવિઝનના હૉટ હીરો સિદ્ધાર્થ શુક્લાની હૉટનેસને લઈને પણ લોકો આ ફિલ્મ જોવા ઉત્સુક છે.

ધર્મા પ્રોડક્શન

સામાન્ય રીતે ધર્મા પ્રોડક્શન એટલે કે કરમ જૌહર દ્વારા ભારતીય દર્શકોને કંઇવ એવુ આપવામાં આવે છે કે જે લોકોને ગમી જાય છે. તેથી લોકોને આ ફિલ્મથી ઘણી અપેક્ષાઓ છે.