ગુન્ડેમાં હેલન જેમ કૅબરે કરતાં નજરે પડશે પ્રિયંકા
મુંબઈ, 29 જૂન : બૉલીવુડ સુંદરી પ્રિયંકા ચોપરાના પ્રયોગો સતત ચાલુ છે. શૂટઆઉટ એટ વડાલામાં બબલી બદમાશ બન્યા બાદ હવે દર્શકોને ગુન્ડે ફિલ્મમાં પ્રિયંકા કૅબરે ડાન્સ કરતાં નજરે પડશે. તેના માટે હવે તેઓ હેલન સ્વરૂપે દેખાશે.
આ અગાઉ પ્રિયંકા ચોપરા શૂટઆઉટ એટ વડાલા ફિલ્મમાં બબલી બદમાશ બની લોકોના દિલોમાં જગ્યા બનાવી ચુક્યાં છે. ગુન્ડે ફિલ્મમાં પ્રિયંકા ચોપરા સાથે પ્રથમ વાર રણવીર સિંહ છે. ફિલ્મમાં એમ તો પ્રિયંકાનો દેસી અંદાજ છે, પરંતુ એક ગીતમાં તેઓ બિંદાસ્ત રીતે કૅબરે કરતાં નજરે પડશે. ફિલ્મનું દિગ્દર્શન અબ્બાસ ઝફરે કર્યું છે.
ગુન્ડે ફિલ્મમાં પ્રિયંકાના કિરદાર અંગે કોઈને હાલ માહિતી નથી, પણ સૂત્રોના જણાવ્યા મુજબ પ્રિયંકા તાજેતરમાં જ કોલકાતા ખાતે ફિલ્મના શૂટિંગ માટે ગયાં, તો તેમને ત્યાં દેસી અંદાજમાં જોવામાં આવ્યાં. શૂટઆઉટ એટ વડાલા બાદ ઝંજીર ફિલ્મમાં પણ પ્રિયંકા ચોપરા આયટમ સૉંગ કરી રહ્યાં છે. પિતાના મોત બાદ તાજેતરમાં જ પ્રિયંકા ચોપરા કામે પરત ફર્યાં છે. તેઓ સંજય લીલા ભાનુશાળીની મૅરી કોમ ફિલ્મના શૂટિંગમાં વ્યસ્ત છે.
Click it and Unblock the Notifications
Sign in with Google
