મુન્ની બદનામ, શીલા જવાન અને હવે બબલી બદમાશ
મુંબઈ, 19 ફેબ્રુઆરી : સેક્સી પ્રિયંકા ચોપરાએ હવે એક નવો તીર છોડ્યો છે. તેઓ પ્રથમ વાર કોઈ ફિલ્મમાં આયટમ સૉંગ કરવા તૈયાર થયાં છે. ફિલ્મનું નામ છે શૂટઆઉટ એટ વડાલા કે જેના દિગ્દર્શક સંજય ગુપ્તા છે. પ્રિયંકાએ પહેલા તો આયટમ સૉંગ કરવાનો ઇનકાર કર્યો હતો, પણ પછી ગીતના શબ્દો સાંભળ્યા બાદ તેમણે હા પાડી દીધી.
હવે પ્રશ્ન એ ઊભો થાય છે કે આખરે પ્રિયંકા આયટમ સૉંગ કરવા કેમ માંગે છે? ક્યાંક ગત વર્ષે કૅટરીના કૈફ અને કરીના કપૂર દ્વારા કરાયેલ હિટ આયટમ સૉંગ્સ જોયા બાદ પ્રિયંકાના મનમાં પણ તો ફટાકડી બનવાની ઇચ્છા નથી જાગી ને? પ્રિયંકા ગત વર્ષે બર્ફી ફિલ્મના કારણે ચર્ચામાં રહ્યાં. તેમનો રોલ ખૂબ સીધા-સાદો અને શ્રેષ્ઠ હતો, પરંતુ હવે લાગે છે કે પ્રિયંકા પોતાના રોલમાં કંઇક રંગ ઉમેરવા માંગે છે.
કરીના અને કૅટે ગત વર્ષે અગ્નિપથ, દબંગ 2, હીરોઇન જેવી ફિલ્મોમાં હિટ આયટમ સૉંગ કર્યા હતાં, જ્યારે પ્રિયંકા માત્ર ગણ્યાગાંઠ્યા પાત્રો જ ભજવતી રહી, પરંતુ હવે પ્રિયંકા આયટમ સૉંગ કરી બતાવી દેવા માંગે છે કે તે પણ કોઈનાથી કમ નથી.
શૂટઆઉટ એટ વડાલામાં પ્રિયંકા ચોપરા જે ગીત ઉપર પરફૉર્મ કરવા જઈ રહ્યાં છે, તેના શબ્દો છે બબલી બદમાશ હૈ... સંજય ગુપ્તાએ પણ અંગેની પુષ્ટિ કરતાં ટ્વિટર પર લખ્યું - પ્રિયંકા ચોપરા અમારા જોરદાર ગીત બબલી બદમાશ હૈ... ઉપર પરફૉર્મ કરશે. આ ગીત સંગીત દિગ્દર્શક અન્નુ મલિકે તૈયાર કર્યું છે. હાલ તો સંજય ગુપ્તા ખૂબ ખુશ છે કે પ્રિયંકા આ આયટમ સૉંગ કરવા તૈયાર થઈ ગયાં છે. ગીત સુનિધિ ચૌહાણ ગાશે અને તેનું શૂટિંગ ગુડગાંવ ખાતેની ફિલ્મ સિટીમાં કરાશે.
Click it and Unblock the Notifications
Sign in with Google
