જુઓ તસવીરો અને માણો ગીત : રામ-લીલાને આમ ઇંટ્રોડ્યુસ કરશે પ્રિયંકા

| Published: Wednesday, October 23, 2013, 15:31 [IST]

મુંબઈ, 23 ઑક્ટોબર : સંજય લીલા ભાનુશાળીની મોસ્ટ અવેટેડ ફિલ્મ રામલીલા આજકાલ દીપિકા પાદુકોણે અને રણવીર સિંહ વચ્ચેના કિસિંગ સીનને લઈને ચર્ચામાં છે, તો પ્રિયંકા ચોપરાના હૉટ આયટમ સૉંગના કારણે પણ ફિલ્મ બહુચર્ચિત બની ગઈ છે. ફિલ્મના હૉટ આયટમ નંબરની ઝલક યુટ્યુબ ઉપર રિલીઝ કરી દેવાઈ છે. 2 મિનિટ 23 સેકેંડના આ વીડિયોમાં પ્રિયંકા પોતાના સેક્સી ડાન્સ વડે સૌના હોશ ઉડાવતાં નજરે પડી રહ્યાં છે.

મળતી માહિતી મુજબ રામલીલા ફિલ્મ આગામી 15મી નવેમ્બરે રિલીઝ થવાની છે અને ફિલ્મમાં પ્રિયંકાના આયટમ સૉંગનો તડકો સાચે જ કામ કરી રહ્યો છે. પ્રિયંકાના આયટમ સૉંગના બોલ છે રામ ચાહે લીલા... લીલા ચાહે રામ... આ ગીત ફિલ્મના મુખ્ય કલાકારો દીપિકા પાદુકોણે અને રણવીર સિંહનું ઇંટ્રોડક્ટ્રી ગીત છે. તેથી જ આ ગીત વચ્ચે બંનેને રોમાંસ કરતે પણ દર્શાવાયાં છે.

રામ ચાહે લીલા... આયટમ સૉંગમાં પ્રિયંકા ચોપરાનો લુક પણ ખૂબ જ અલગ અને સિડક્ટિવ છે. સફેદ ચોળી અને ધોતી સ્ટાઇલની સ્કર્ટમાં પ્રિયંકાએ પોતાની સેક્સ અપીલ દાખવવાના ભરપૂર પ્રયત્નો કર્યાં છે. પ્રિયંકા ચોપરા પોતે પણ આ ગીત અંગે ઉત્સાહિત છે અને તેમનું કહેવું છે કે આ એક મૉડર્ન મુજરો છે. આ ગીત ઇન્ડિયન આઇડલ ફૅમ ભૂમિ ત્રિવેદીએ ગાયું છે.

જુઓ રામ ચાહે લીલા... આયટમ સૉંગની તસવીરી ઝલક અને માણો ગીત પણ :