પ્રિયંકા ચોપડાએ દિલ્લીના પ્રદૂષણમાં શૂટિંગ કરવાનુ મુશ્કેલ કહેતા લોકોએ કરી ટ્રોલ

પ્રિયંકા ચોપડાએ દિલ્લીના પ્રદૂષણમાં શૂટિંગ મુશ્કેલ હોવાનુ કહેતા લોકોએ ટ્રોલ કરી દીધી.

બોલિવુડ અને હોલિવુડ અભિનેત્રી પ્રિયંકા ચોપડા જોનસ પોતાની આવનારી ફિલ્મ ધ વ્હાઈટ ટાઈગરના શૂટિંગ માટે રાજધાની દિલ્લી પહોંચી છે. દિલ્લીવાળાઓની જેમ પ્રિયંકાનો સામનો પણ અહીંના વાયુ પ્રદૂષણ સાથે થયો. ત્યારબાદ પ્રિયંકાએ માસ્ક સાથે ઈન્સ્ટાગ્રામ પર પોતાના એક ફોટો શેર કર્યો છે. આ સેલ્ફીમાં પ્રિયંકાએ વાદળી રંગના માસ્ક સાથે ચશ્મા પહેર્યા છે.

પ્રિયંકાએ દિલ્લીની ખરાબ વાયુ ગુણવત્તા વિશે ચિંતા વ્યક્ત કરી

આ ફોટાને શેર કરતા પ્રિયંકાએ દિલ્લીની ખરાબ વાયુ ગુણવત્તા વિશે ચિંતા વ્યક્ત કરી છે. તેણે લોકોને બેઘર લોકો વિશે વિચારવા અપીલ કરી છે કે, ‘જેમની પાસે આ સ્થિતિ સામે લડવા માટે ના તો માસ્ક છે અને ના એર પ્યુરીફાયર. ફોટા સાથે કેપ્શનમાં પ્રિયંકાએ લખ્યુ છે, વ્હાઈટ ટાઈગરના શૂટિંગવાળા દિવસે. અહીં આ સમયે શૂટિંગ કરવુ ઘણુ મુશ્કેલ છે. હું આ કલ્પના પણ નથી કરી શકતી કે અહીં લોકો આ સ્થિતિમાં કેવી રીતે રહી રહ્યા છે. બેઘર લોકો માટે દુઆ કરો. બધા સુરક્ષિત રહે.'

View this post on Instagram

Shoot days for #thewhitetiger. It’s so hard to shoot here right now that I can’t even imagine what it must be like to live here under these conditions. We r blessed with air purifiers and masks. Pray for the homeless. Be safe everyone. #airpollution #delhipollution😷 #weneedsolutions #righttobreathe

A post shared by Priyanka Chopra Jonas (@priyankachopra) on Nov 3, 2019 at 8:52am PST

ગયા વર્ષે ફરહાને શેર કર્યો હતો ફોટો

આ પહેલા ગયા વર્ષે પણ આ સમયે દિલ્લીમાં વાયુની ગુણવત્તા આવી જ હતી. એ સમયે પ્રિયંકા શોનાલી બોસની ફિલ્મ ધ સ્કાઈ ઈઝ પિંકના શૂટિંગ માટે અહીં આવી હતી. ત્યારે ફરહાન અખ્તરે તેની સાથે માસ્ક પહેરીને ફોટો શેર કર્યો હતો અને વાયુ પ્રદૂષણ માટે ચિંતા વ્યક્ત કરી હતી. પરંતુ આ વખતે પ્રિયંકાને લોકોએ ખૂબ ટ્રોલ કરી છે. લોકોએ પ્રિયંકાને તેની સિગારેટ પીવાની આદત યાદ અપાવી છે. એક યુઝરે કહ્યુ છે, ‘બેઘરો માટે દુઆ માંગવાથી સારુ છે તેમના માટે કંઈ કરો.'

નેટફ્લિક્સની આગામી ફિલ્મમાં દેખાશે પ્રિયંકા

પ્રિયંકાની વાત કરીએ તો તે અરવિંદ ઘોષના પુસ્તક ધ વ્હાઈટ ટાઈગર પર આધારિત નેટફ્લિકસની આગામી ફિલ્મમાં જોવા મળશે. આમાં તેની સાથે અભિનેતા રાજકુમાર રાવ પણ જોવા મળશે. પ્રિયંકા અને રાજકુમાર રાવ પહેલી વાર એક સાથે કામ કરી રહ્યા છે.

દિલ્લીમાં પ્રદૂષણ ઘણુ વધી ગયુ

દિવાળી બાદથીજ દિલ્લીમાં પ્રદૂષણ ઘણુ વધી ગયુ છે. રવિવારે પ્રદૂષણનુ સ્તર અનેક ગણુ વધી ગયુ હતુ જેના કારણે બધી સ્કૂલોને પણ પાંચ નવેમ્બર સુધી બંધ રાખવામાં આવી છે. કેન્દ્રીય પ્રદૂષણ નિયંત્રણ બોર્ડ અનુસાર રવિવાર સાંજે 4 વાગ્યા સુધી દિલ્લીની વાયુ ગુણવત્તા સૂચકાંક 494 હતો જે 6 નવેમ્બર, 2016થી પણ વધુ છે.

English summary

priyanka chopra jonas returned to delhi said this time in pollution its hard to shoot.