‘મખના' ગીતમાં અશ્લીલ શબ્દોના ઉપયોગ માટે હની સિંહ સામે થઈ શકે છે FIR, મહિલા પંચે પોલિસને લખ્યો પત્ર
ગાયક હની સિંહના ગીત ‘મખના' માટે પંજાબ મહિલા પંચે તેમની સામે કાર્યવાહી કરવાની માંગ કરી છે.
ગાયક હની સિંહના ગીત 'મખના' માટે પંજાબ મહિલા પંચે તેમની સામે કાર્યવાહી કરવાની માંગ કરી છે. પંજાબ મહિલા પંચના ચેરમેન મનીષા ગુલાટીએ જણાવ્યુ છે કે હની સિંહને તેમના 'મખના' ગીત માટે નોટિસ મોકલવામાં આવી છે. ગીતમાં મહિલાઓ માટે કથિત અશ્લીલ શબ્દોના ઉપયોગ માટે આ નોટિસ મોકલવામાં આવી છે. તેમણે કહ્યુ કે તેમની સામે ટૂંક સમયમાં FIR કરવામાં આવશે. પંચે આના પર સ્વતંત્ર સંજ્ઞાન લીધુ છે સાથે રાજ્ય સરકારને પણ કાર્યવાહી કરવા માટે લખ્યુ છે.
મનીષા ગુલાટીએ હની સિંહ પર કાર્યવાહી માટે પંજાબના ગૃહ સચિવ અને ડીજીપીને પત્ર લખીને ગીત પર પ્રતિબંધ લગાવવા કહ્યુ છે. તેમણે કહ્યુ કે અમે પોલિસને મખના ગીતમાં મહિલાઓ માટે અશ્લીલ શબ્દોના ઉપયોગ માટે સિંગર સામે એફઆઈઆર નોંધવા કહ્યુ છે. પંચે 12 જુલાઈ સુધી પોલિસે આના પર સ્ટેટસ રિપોર્ટ પણ માંગ્યો છે.
Manisha Gulati, Chairperson Punjab State Women Commission on notice sent to singer Honey Singh over his song ‘Makhna’: Vulgar language has been used in song for women. We have taken suo-moto action. FIR will be registered soon. I hope state govt will also take action against him pic.twitter.com/vrEIbVlET8
— ANI (@ANI) 3 July 2019
હની સિંહ અને નેહા કક્કડે ગાયેલુ આ ગીત થોડા મહિના પહેલા રિલીઝ થયુ હતુ. જેને હની સિંહે લખ્યુ છે. ગીતમમાં કથિત રીતે મહિલાઓ માટે કથિત અશ્લીલ લાઈનો છે. મનીષા ગુલાટીના જણાવ્યા મુજબ આ ગીતમાં હની સિંહે પોતાને 'વુમેનાઈઝર' ગણાવીને મહિલાઓના ચરિત્ર વિશે અપમાનજનક ટિપ્પણીઓ કરી છે.
Click it and Unblock the Notifications
Sign in with Google
