પોતાના જીવનની રેસથી ખુશ છે અનિલ કપૂર
મુંબઈ, 5 જાન્યુઆરી : અનિલ કપૂર બૉલીવુડના તેવા સ્ટાર છે કે જેમને કોઈ પરિચયની જરૂર નથી. ફિલ્મી દુનિયામાં એક અલગ ઓળખ ધરાવનાર અનિલ કપૂર તેવા સિતારાઓમાંના એક છે કે જેમણે પોતાની ઉપર ઉંમરને હાવી થવા દીધી નથી. બૉલીવુડથી લઈ હૉલીવુડ સુધી ભારતીય હિન્દી સિનેમાને નવી ઓળખ આપનાર અનિલ કપૂર હાલ ફિલ્મ રેસ 2 અંગે ચર્ચામાં છે. અનિલે જણાવ્યું કે તેઓ પોતાના 35 વર્ષના કૅરિયરથી ખૂબ ખુશ છે.
અનિલ કપૂરે જણાવ્યું - મને ખબર છે કે અહીં સુધી પહોંચવા માટે મારે કેટલાં પાપડ વણવા પડ્યા છે, પરંતુ આજે હું પોતાના જીવનમાં ખૂબ ખુશ અને સંતુષ્ટ છું. મેં જેટલું કર્યું છે, તેનાંથી અનેકગણું પામ્યું છે. મને બીજા લોકોના જીવન અને ભાગ્ય સામે ક્યારેય ઈર્ષ્યા અનુભવાતી નથી. મને ઉપરવાળાએ બધું જ આપ્યું છે નામ, મિલ્કત, પ્રસિદ્ધિ, કુટુમ્બ. હું ઉપરવાળાનો આભાર વ્યક્ત કરું છું કે તેમની દયા મારી ઉપર કાયમ જળવાઈ રહી છે.
આપને જણાવી દઇએ કે રેસ 2 ફિલ્મ આ જ મહીને રિલીઝ થવાની છે. ફિલ્મમાં સૈફ અલી ખાન, દીપિકા પાદુકોણે, અનિલ કપૂર તથા જૅકલીન ફર્નાન્ડીઝ લીડ રોલમાં છે. ફિલ્મમાં પ્રથમ ભાગમાં પણ અનિલ કપૂર હતાં. ફિલ્મ જોરદાર હિટ રહી હતી.
અનિલ કપૂરે જણાવ્યું કે આ વખતે પણ ફિલ્મમાં તેમનો રોલ ઘણુંકરીને લીકથી જુદો અને રસપ્રદ છે કે જેના અંગે તેઓ વધુ ખુલાસો કરી નથી શકતાં. આશા કરુ છું કે પહેલા ભાગની જેમ બીજો ભાગ પણ લોકોને ખૂબ સારો લાગશે. અનિલે પોતાની ફિલ્મના તમામ સ્ટાર્સની ખૂબ પ્રશંસા કરી અને જણાવ્યું કે સૌએ ફિલ્મ માટે ઘણી મહેનત કરી છે. આશા કરું છું કે પબ્લિક સૌની મહેનતનું ફળ ફિલ્મને હિટ કરીને આપશે.