રણબીર ચાલ્યાં રશિયા, વાયજેએચડીનું કરશે પ્રમોશન

મુંબઈ, 15 જૂન : દાદા રશિયાને બહુ પ્રેમ કરતાં અને હવે પૌત્ર રણબીર કપૂરે પણ રશિયાનો રુખ કર્યો છે. રણબીર કપૂરની ફિલ્મ યે જવાની હૈ દીવાની રશિયામાં આગામી 4થી જુલાઈએ રિલીઝ થવાની છે અને રણબીર ત્રણ દિવસ ત્યાં રહી ફિલ્મનું પ્રમોશન કરવાના છે.

ભારતમાં અત્યંત સફળ રહેલી વાયજેએચડી હવે રશિયામાં ડંકો વગાડશે. અયાન મુખર્જી દિગ્દર્શિત યે જવાની હૈ દીવાની ફિલ્મે પ્રથમ સપ્તાહે જ ભારતમાં સો કરોડનો બિઝનેસ કર્યો છે. ફિલ્મમાં રણબીર ઉપરાંત દીપિકા પાદુકોણે તથા આદિત્ય રૉય કપૂર તેમજ કલ્કી કોચલીન છે.

વાયજેએચડી રશિયામાં 4થી જુલાઈએ રિલીઝ થશે અને રણબીર કપૂર રિલીઝિંગ પહેલા ત્રણ દિવસ ત્યાં રહી ફિલ્મનું પ્રમોશન કરશે. સૂત્રોના જણાવ્યા મુજબ રણબીર કપૂર રશિયામાં ફિલ્મના પ્રદર્શન તથા પોતાના ફૅન્સને મળવા અંગે ખૂબ જ એક્સાઇટેડ છે.

રણબીરના દાદા રાજ કપૂર પણ પોતાની ફિલ્મો રશિયામાં ખાસ રિલીઝ કરતા હતાં. તેમાં આવારા, શ્રી 420 અને મેરા નામ જોકર જેવી ફિલ્મોનો સમાવેશ થાય છે.

English summary

His grandfather, late cinema legend Raj Kapoor, continues to be a rage in Russia and now actor Ranbir Kapoor is set to promote his latest release "Yeh Jawaani Hai Deewani" (YJHD) in the country.