મુંબઈ, 31 ઑક્ટોબર : 19મી સદીના પેંટર રાજા રવિ વર્માની વિવાદાસ્પદ વાર્તા રંગ રસિયા તરીકે રૂપેરી પડદે આવવા તૈયાર છે કે જેમાં રણદીપ હુડા અને નંદના સેન લીડ રોલ કરી રહ્યાં છે. રંગ રસિયાનું નવું પોસ્ટર રિલીઝ થઈ ગયું છે. 19મી સદીનો આ પેંટર પોતાની બોલ્ડ પેંટિગ્સ વડે સમાજમાં ટીકાનો પાત્ર બન્યો હતો.
રંગરસિયાના તમામ પોસ્ટરો ખૂબ જ કલરફુલ છે અને મોટાભાગે 19મી સદીમાં રાજા રવિ વર્માની પેંટિંગની સમાજ પર થયેલી અસરનું વર્ણન કરે છે.
અમે રજૂ કરી રહ્યા છીએ રંગ રસિયા ફિલ્મના વિવિધ પોસ્ટરો કે જે રંગ રસિયા ફિલ્મ પ્રત્યે લોકોમાં આકર્ષણ, રસ અને ઉત્સુકતા વધારી રહ્યા છે.
નવુ અને લેટેસ્ટ પોસ્ટર આ હકીકત બતાવી રહ્યું છે કે રાજા રવિ વર્મા એવા પહેલા પેંટર હતાં કે જેમણે દેવી-દેવતાઓની પેંટિગ્સ બનાવી અને ખાસ તો પોતાની ફૅવરિટ સરસ્વતી દેવીની.
ફિલ્મનું બ્રાઇટ અને કલરફુલ પોસ્ટર નંદના સેનને સરસ્વતી તરીકે રજૂ કરી રહ્યું છે અને પેંટિંગ સામે રણદીપ હુડા પેંટ બ્રશ સાથે ટચિંગ કરતા જણાય છે.
રણદીપ હુડા છેલ્લે સલમાન ખાન અભિનીત કિક ફિલ્મમાં દેખાયા હતાં. રંગ રસિયામાં રણદીપ રાજા રવિ વર્માનો રોલ કરી રહ્યા છે અને ફિલ્મમાં તેઓ ડિફરંટ અવતારમાં દેખાવાનાં છે.
નંદના સેન સરસ્વતીના રોલમાં છે અને તેઓનો રોલ ખૂબ જ બોલ્ડ છે. રંગ રસિયા પોતાના બોલ્ડ કંટેંટ્સના કારણે વિવાદોમાં સપડાયેલી હતી અને રિલીઝ નહોતી થઈ રહી. હવે તમામ વિવાદો બાદ આ ફિલ્મ 7મી નવેમ્બરે રિલીઝ થવા જઈ રહી છે.
કેતન મહેતા દિગ્દર્શિત તથા દીપા સાહી અને આનંદ મહેંદ્રૂ નિર્મિત રંગ રસિયા ફિલ્મની વાર્તા જયંતીલાલ ગડાએ લખી છે.
હવે જુઓ રંગ રસિયા ફિલ્મના ઓ કામિની... ગીતનો વીડિયો
Click it and Unblock the Notifications
Sign in with Google
