રણવીર સિંહની મુશ્કેલીઓ ખતમ નથી થઈ રહી, ન્યૂડ ફોટોશૂટ મામલે એક્ટરના ઘરે પહોંચી પોલિસ
બૉલિવુડ એક્ટર રણવીર સિંહના ન્યૂડ ફોટોશૂટનો વિવાદ ખતમ થવાનુ નામ નથી લઈ રહ્યો. જાણો હવે શું થયુ.
મુંબઈઃ બૉલિવુડ એક્ટર રણવીર સિંહના ન્યૂડ ફોટોશૂટનો વિવાદ ખતમ થવાનુ નામ નથી લઈ રહ્યો. આ પહેલા લોકોએ અભિનેતાના આ ફોટોશૂટની ટીકા કરતા તેને ટ્રોલ કર્યો હતો. ત્યારબાદ અભિનેતા વિરુદ્ધ ફરિયાદ દાખલ કરવામાં આવી હતી. મહિલાઓની લાગણી દુભાવવા બદલ આ ફરિયાદ દાખલ કરવામાં આવી છે. હવે આ ફરિયાદની નોંધ લેતા મુંબઈ પોલિસ રણવીરના ઘરે પહોંચી હતી. જો કે તે સમયે અભિનેતા ઘરે હાજર ન હતો. જેના પછી પોલિસ પરત આવી હતી. હવે અભિનેતાએ 22 ઓગસ્ટ પહેલા પોલિસ સમક્ષ હાજર થવુ પડશે.
પેપર મેગેઝીન માટે કરાવ્યુ હતુ ન્યૂડ ફોટોશૂટ
તાજેતરમાં, રણવીર સિંહે પ્રખ્યાત પેપર મેગેઝિન માટે ફોટોશૂટ કરાવ્યુ હતુ જે ખૂબ જ ચર્ચામાં રહ્યુ હતુ. આ ફોટોશૂટ માટે જ્યાં એક તરફ અભિનેતાની ખૂબ પ્રશંસા કરવામાં આવી હતી તો બીજી તરફ તે ખરાબ રીતે ટ્રોલ થતો પણ જોવા મળ્યો હતો.
રણવીર વિરુદ્ધ થઈ પોલિસ ફરિયાદ
આ સમાચાર આવ્યા બાદ રણવીર વિરુદ્ધ મહિલાઓની ભાવનાઓને ઠેસ પહોંચાડવાની ફરિયાદ દાખલ કરવામાં આવી છે. હવે આ ફરિયાદને લઈને મુંબઈ પોલિસ અભિનેતાના ઘરે પહોંચી હતી પરંતુ તેને ખાલી હાથ પરત ફરવુ પડ્યુ હતુ. મળતી માહિતી મુજબ રણવીરે 22 ઓગસ્ટ સુધીમાં પોલિસ સમક્ષ હાજર થવુ પડશે.
ફોટોશૂટે ઇન્ટરનેટ પર સનસનાટી મચાવી
તમનેજણાવી દઈએ કે રણવીર સિંહ વિરુદ્ધ આ ફરિયાદ મુંબઈ સ્થિત એક NGO દ્વારા કરવામાં આવી હતી. રણવીરના ન્યૂડ ફોટોશૂટથી મહિલાઓની ભાવનાઓને ઠેસ પહોંચી હોવાનુ કહેવાય છે. ગયા મહિને અભિનેતાના ફોટોશૂટે ઇન્ટરનેટ પર સનસનાટી મચાવી હતી.