બૉલીવુડ હસીનાઓની કમાણી : શું સાચે જ હીરો કરતાં ઓછુ મહેનતાણુ છે આ?

Published: Thursday, June 26, 2014, 17:09 [IST]

મુંબઈ, 26 જૂન : બૉલીવુડમાં અભિનેતાઓના ભાવ વધુ હોય છે અને અભિનેત્રીઓના ઓછા. આ વાત તો સૌ જાણે છે. જોકે અભિનેત્રીઓના ભાવ પણ કેટલા હોય છે, તે અંગે ચોક્કસ ન કહી શકાય, પરંતુ જો સૂત્રોની માનીએ, તો તાજેતરમાં જ દરેક અભિનેત્રીની ફિલ્મ દીઠ ફીસની રકમનો ખુલાસો થયો છે.

મોટાભાગની હૉટ હસીનાઓ એમ માને છે કે અભિનેત્રીઓને તેમના કામ અને મહેનતના હિસાબે મહેનતાણુ નથી અપાતું. આવવુ માનનારાઓમાં વિદ્યા બાલનનો પણ સમાવેશ થાય છે કે જેઓ મહિલા કેન્દ્રિત ફિલ્મ કહાની અને ધ ડર્ટી પિક્ચર માટે ખૂબ જ લોકપ્રિય થયા હતાં.

ચાલો તસવીરો સાથે જોઇએ બૉલીવુડ હસીનાઓનું ફિલ્મ દીઠ મહેનતાણુ :

કૅટરીના કૈફ

કૅટરીના કૈફ કથિત રીતે 8થી 15 કરોડ રુપિયા ફિલ્મ દીઠ લે છે. કૅટની બ્લૉક બસ્ટર ફિલ્મોમાં એક થા ટાઇગર, જબ તક હૈ જાન, ધૂમ 3નો સમાવેશ થાય છે.

કરીના કપૂર

કહે છે કે કરીના કપૂર દરેક ફિલ્મ માટે 10થી 14 કરોડની રકમ લે છે. તેમની છેલ્લી ફિલ્મ ગોરી તેરે પ્યાર મેં હતી.

વિદ્યા બાલન

વિદ્યા બાલનની પરફિલ્મ ફીસ છે 5થી 9 કરોડ રુપિયા. તેઓ કહાની અને ધ ડર્ટી પિક્ચર દ્વારા ખૂબ જ લોકપ્રિય થયાં. તેમની છેલ્લી ફિલ્મ શાદી કે સાઇડ ઇફેક્ટ્સ હતી, તો આવનાર ફિલ્મ બૉબી જાસૂસ છે.

પ્રિયંકા ચોપરા

કહે છે કે પ્રિયંકા ચોપરા ફિલ્મ દીઠ 5થી 9 કરોડ રુપિયા લે છે. તેમની ખાસ ફિલ્મો છે અંદાઝ, ફૅશન, ક્રિશ 3 અને ગુન્ડે.

દીપિકા પાદુકોણે

દીપિકા પાદુકોણેનુ ફિલ્મ દીઠ મહેનતાણુ 5થી 8 કરોડ રુપિયા છે. કૉકટેલ, રેસ 2, યે જવાની હૈ દીવાની, ચેન્નઈ એક્સપ્રેસ અને રામલીલા જેવી ફિલ્મો આપનાર દીપિકા હવે પછી હૅપ્પી ન્યુ ઈયરમાં ચમકવાનાં છે.

અનુષ્કા શર્મા

અનુષ્કા શર્માનુ મહેનતાણુ ફિલ્મ દીઠ 3થી 8 કરોડ રુપિયા છે. તેમની છેલ્લી ફિલ્મ જબ તક હૈ જાન હતી અને આગામી ફિલ્મોમાં બૉમ્બે વેલ્વેટ, એનએચ 10, દિલ ધડકને દોનો સમાવેશ થાય છે.

સોનાક્ષી સિન્હા

દબંગ ગર્લ સોનાક્ષી સિન્હાનું ફિલ્મદીઠ મહેનતાણુ છે 3થી 7 કરોડ રુપિયા. દબંગ, રાઉડી રાઠોડ, જોકર, બુલેટ રાજા, હૉલીડે તેમની વિશેષ ફિલ્મો છે, તો આગામી ફિલ્મોમાં એક્શન જૅક્સનનો સમાવેશ થાય છે.