રિવ્યૂ : સુખી લગ્ન જીવનના નુસ્ખા બતાવતી રબ્બા મૈં ક્યા કરૂં

મુંબઈ, 2 ઑગસ્ટ : રામાનંદ સાગર દ્વારા નિર્મિત અનેક સારી ધાર્મિક ટેલીવિઝન શ્રેણીઓ તો આપે બાળપણથી જ જોઈ હશે. તે પછી તેમના ભાઈ અમિત સાગર દ્વારા બનાવાયેલ કેટલીક પૌરાણિક કથાઓ પર આધારિત ફિલ્મો પણ આપે જોઈ હશે, પણ રબ્બા મૈં ક્યા કરૂં ફિલ્મ દ્વારા અમિત સાગેર એક નવી શરુઆત કરી છે. અમિતે આ ફિલ્મ સાથે સાબિત કરી આપ્યું છે કે રામાનંદ સાગરના પરિવારમાં માત્ર ધાર્મિક કથાઓ ઉપર જ સીરિયલ બનાવવાની પરમ્પરા નથી.

એક હૅપ્પી મૅરિડ લાઇફ એટલે કે સુખી લગ્ન જીવન કઈ રીતે જીવી શકાય? આ જાણવું હોય તો મળો લવ ગરુ અરશદ વારસીને ફિલ્મ રબ્બા મૈં ક્યા કરૂંમાં. રબ્બા મૈં ક્યા કરૂં ફિલ્મમાં અરશદ વારસી એક લવ ગુરુના રોલમાં છે. અરશદ સાથે પરેશ રાવલ અને આકાશ ચોપરા પણ લીડ રોલમાં છે.

વાર્તા : રબ્બા મૈં ક્યા કરૂં ફિલ્મ બે ભાઇઓની વાર્તા છે. મોટા ભાઈનો રોલ કર્યો છે અરશદ વારસીએ અને નાનો ભાઈ બન્યાં છે આકાશ ચોપરા. આકાશ ટુંકમાં જ લગ્ન કરવાનો છે અને અરશદ આકાશને એક સુખી લગ્ન જીવનની રીતો શીખવાડે છે. અરશદ વારસી ફિલ્મમાં એક લવ ગુરુની જેમ પ્રેમ અને લગ્ન અંગે નવા-નવા નુસ્ખાઓ શીખવાડે છે કે જેથી અનેક વાર લોકો મુશ્કેલીમાં મુકાઈ જાય છે. અરશદની આવી યુક્તિઓના કારમે જ ફિલ્મમાં અનેક વાર અનેક બહેતરીન કૉમેડી સિક્વંસ બને છે.

આવો તસવીરો સાથે જાણીએ વધુ વિગતો :

અરશદ લવ ગુરુ

રબ્બા મૈં ક્યા કરૂં ફિલ્મમાં અરશદે મોટા ભાઈનો રોલ કર્યો છે. ફિલ્મમાં તેઓ લવ ગુરુ બન્યાં છે અને તેમના નાના ભાઈ આકાશ ચોપરાને લગ્ન બાદ પોતાની પત્નીને કાબુમાં રાખવાની તરકીબો શીખવાડે છે.

આકાશ વિચારે છે રબ્બા મૈં ક્યા કરૂં

આકાશ લગ્ન કરવાનો છે. ફિલ્મમાં તેનો મોટા ભાઈ અરશદ તેને હૅપ્પી મૅરિડ લાઇફની તરકીબો શિખવાડે છે. અરશદ આકાશને બતાવે છે કે કઈ રીતે લગ્ન બાદ પત્નીને ખુશ રાખી શકાય અને સુખેથી જીવી શકાય.

પત્ની સાથે કરો વિશ્વાસઘાત

અરશદ આકાશને કહે છે કે તે પોતાની પત્ની સાથે વિશ્વાસઘાત કરે. અરશદના મતે એક સારી પરિણીત જિંદગી જીવવા માટે માણેસ પોતાની પત્ની સાથે વિશ્વાસઘાત કરવો જોઇએ.

આકાશ સંમત નથી

આકાશને અરશદનો પત્ની સાથે વિશ્વાસઘાતનો આઇડિયા ગમતો નથી. તે આ આઇડિયા સાથે સંમત નથી. તેથી તે અરશદના કહેવા છતાં પોતાની પત્ની સાથે વિશ્વાસઘાત અંગે નથી વિચારતો.

અરશદ-પરેશ બેસ્ટ

ફિલ્મમાં અરશદ વારસી અને પરેશ રાવલે હંમેશ મુજબ સારી એક્ટિંગ કરી છે. ખાસ તો જ્યારથી અરશદ જ્યારથી પોતાના બળે ફિલ્મ હિટ કરવા લાગ્યાં છે, ત્યારથી તેમની લોકપ્રિયતા વધી ગઈ છે.

English summary

In his ready to release ‘Rabba Main Kya Karoon’ Arshad Warsi will be seen doling out valuable tips on how to enjoy life post-marriage and says every married man will relate to the fun drama.