રિવ્યૂ : નબળો છે વિશાલનો મટરૂ, ફિલ્મ એવરેજ

Published: Friday, January 11, 2013, 16:06 [IST]

ફિલ્મઃ મટરૂ કી બિજલી કા મંડોલા
કલાકારઃ ઇમરાન ખાન, અનુષ્કા શર્મા, પંકજ કપૂર, આર્ય બબ્બર, શબાના આઝમી.
નિર્માતા-દિગ્દર્શકઃ વિશાલ ભારદ્વાજ
ગીતઃ વિશાલ ભારદ્વાજ, ગુલઝાર

સમીક્ષાઃ આજે વિશાલ ભારદ્વાજની બહુચર્ચિત ફિલ્મ મટરૂ કી બિજલી કા મંડોલા એટલે કે એમબીએમ રિલીઝ થઈ છે. ફિલ્મ પાસે લોકોને ખૂબ આશાઓ હતી, પરંતુ વિશાલ આ આશાઓ સો ટકા પૂરી શક્યા છે, તેવું કહેવું થોડુંક મુશ્કેલ છે, કારણ કે ફિલ્મ તો લીક સે હટકે બની છે, પરંતુ છતાં તેમાં ઘણી બધી ખામીઓ છે. ફિલ્મનો ફર્સ્ટ હાફ ખૂબ સારો છે, પરંતુ સેકેંડ હાફમાં ખૂબ કન્ફ્યુઝન છે. તેથી વિશાલની છેલ્લી હિટ ફિલ્મ ઓમકારાની યૂપી પૃષ્ઠભૂમિ આગળ એમબીએમની હરિયાણવી પૃષ્ઠભૂમિની અસર થોડીક ફીકી છે. જોકે ફિલ્મ મનોરંજન કરાવે છે. ફિલ્મના સંગીત માટે વિશાલને, તો ગીતો માટે ગુલઝારનો આભાર માની શકાય. ફિલ્મની જાન છે મંડોલા એટલે કે પંકજ કપૂર કે જેણે બે પ્રકારના રોલ પ્લે કર્યા છે. પ્રથમ રોલ ચબરાક બિઝનેસમૅન તરીકેનો છે કે જેના માટે પૈસો જ બધુ છે, તો બીજો રોલ છે દારૂડિયા તરીકેનો કે જે હમદર્દ છે. ગઝબનો અભિનય પંકજ કપૂરે કર્યો છે. તેમાં તેમનો સાથ આપ્યો છે ફિલ્મ અભિનેત્રી શબાના આઝમીએ. તેમને જોઈ આંખો પહોળી થઈ જાય. આર્ય બબ્બર એવરેજ છે, તો અનુષ્કાનો હૉટ અંદાજ લાજવાબ છે. સાચે જ તેઓ ખૂબ સેક્સી છે. લોકોના દિલ પર બિજલી બનનાર અનુષ્કા આવનાર દિવસોમાં વધુ કહેર વરસાવે તો નવાઈ નથી. બીજી બાજુ જનાબ મટરૂ એટલે કે ઇમરાન ખાન એવરેજ જ રહ્યાં. તેમણે હજુ ઘણું બધું શીખવાનું બાકી છે. એમ કહેવામાં ખોટું નહીં હશે કે વિશાલની એવરેજ ફિલ્મ એમબીએમમાં મટરૂ જ સૌથી નબળાં છે.

વાર્તાઃ મંડોલા એક ધનિક બિઝનેસમૅન છે કે જે ગામના ખેડૂતોની જમીન પચાવી શોપિંગ કૉમ્પ્લેક્સ બનાવવા માંગે છે. તેનો સાથ આપે છે ધારાસભ્ય શબાના આઝમી. તેમની દાનત મંડોલાના પૈસા ઉપર બગડે છે. તેથી તે મંડોલાની પુત્રી બિજલી એટલે કે અનુષ્કા શર્મા સાથે પોતાના પુત્ર આર્ય બબ્બરના લગ્ન કરાવવા માંગે છે. વાર્તામાં ટ્વિસ્ટ ત્યારે ઉમેરાય છે કે જ્યારે મટરૂ ઇમરાન ખાન ગામમાં આવે છે. મટરૂ શિક્ષિત ગામડિયો છે. પછી પંકજ કપૂરને સપનામાં ગુલાબી ભેંસ દેખાવા લાગે છે.

Published On January 11, 2013