Rocky Aur Rani Kii Prem Kahaani Review: કરણ જોહરની ફેમિલી ડ્રામા એન્ટરટેઈનિંગ પરંતુ...

Item: રૉકી ઓર રાની કી પ્રેમ કહાની
Rating: 3.0
Author: Manisha Zinzuwadia

Updated: Friday, July 28, 2023, 12:16 [IST]

Rocky Aur Rani Kii Prem Kahaani Review: 'ખૂન કે રિશ્તે ઓર મહોબ્બત કે રિશ્તે એક જેસે નહિ હોતે, મહોબ્બત કે રિશ્તે બનાયે જાતે હે...' કરણ જોહર ફરી એકવાર પ્યાર, ઇશ્ક અને મોહબ્બત વચ્ચે પરિવાર લઈને આવ્યો છે. જ્યાં આ વખતે તેણે કેટલાક ગંભીર સામાજિક સંદેશા પણ આપ્યા છે. સારો પ્રયાસ કર્યો છે.

Rating:

3.0/5

Star Cast: વીર સિંહ, આલિયા ભટ્ટ, જયા બચ્ચન, ધર્મેન્દ્ર, શબાના આઝમી, તોતા રૉય ચૌધરી, ચુર્ની ગાંગુલી, આમિર બશીર, ક્ષિતિ જોગ

Director: કરણ જોહર

અલગ-અલગ વ્યક્તિત્વના લોકો એકબીજા પ્રત્યે આકર્ષાય છે.. આ વાત આપણે ઘણી વખત સાંભળી છે અને કરણ જોહરે આને જ આધાર બનાવ્યો છે. એક બાજુ રૉકી છે, રંગીન સ્વભાવવાળો, વાચાળ અને વેપારી પરિવારનો પંજાબી છોકરો; તો બીજી બાજુ રાની છે, દક્ષિણ દિલ્હીની એક સુશિક્ષિત બંગાળી ટેલિવિઝન ન્યૂઝ એન્કર.. બંને એક ટ્વિસ્ટ સાથે મળે છે અને થોડી મુલાકાતોમાં જ પ્રેમમાં પડી જાય છે. તેમના પરિવારજનો આ સંબંધનો વિરોધ કરતા હોવાથી, તેઓ સંબંધને લગ્ન સુધી લઈ જતા પહેલા ત્રણ મહિના માટે એકબીજાના ઘરે રહેવાનો પ્લાન બનાવે છે.

કહાની

વાર્તાની શરૂઆત રૉકી રંધાવા (રણવીર સિંહ)ના પેપી ટ્રેક સાથે થાય છે જે આપણને કરણ જોહરની રંગીન, ગ્લેમરસ, મનોરંજક અને મેલોડ્રામેટિક દુનિયામાં લઈ જાય છે. રંધાવા પરિવાર એક મોટું બિઝનેસ હાઉસ છે જેની મીઠાઈઓ આખી દિલ્હીમાં પ્રખ્યાત છે. રૉકી સિવાય આ ઘરમાં દાદા, દાદી, માતા, પિતા અને બહેન પણ છે. દાદી (જયા બચ્ચન) એ ઘરના વડા છે, જેમના કહેવા પર આખો પરિવાર અને બિઝનેસ ચાલે છે.

દાદાજી (ધર્મેન્દ્ર)ને ભૂલવાની બિમારી છે, પણ તેમને એક જ નામ યાદ છે, જેમિની ચેટર્જી (શબાના આઝમી). દાદાજીને તેમના જૂના પ્રેમ સાથે ફરીથી જોડવાનો પ્રયાસ કરતી વખતે, રૉકી જેમિનીની પૌત્રી રાની ચેટર્જી (આલિયા ભટ્ટ)ને મળે છે. રૉકી અને રાની જૂના પ્રેમને મેળવવા નજીક આવે છે. પરંતુ તેમના બે તદ્દન અલગ પરિવારો તેમના પ્રેમની સૌથી મોટી કસોટી બની જાય છે.

આ ફિલ્મ સંસ્કૃતિ અને વ્યક્તિત્વના સંઘર્ષ વિશે પણ છે. તે બતાવે છે કે લોકો એકબીજા માટે કેટલા ટીકાકાર હોઈ શકે છે. ફિલ્મનું એક પાત્ર કહે છે - "જો આપણે એકબીજાને આટલા કેન્સલ કરતા રહીશું, તો આપણે ક્યારેય કોઈને સમજી શકીશું નહીં!"

અભિનય

રણવીર સિંહ રૉકી રંધાવાના રોલમાં સંપૂર્ણપણે ઢળી ગયો છે. તે એટલી જ સરળતા સાથે વિટી વન લાઇનર્સ મારે છે જે રીતે તે ભાવનાત્મક દ્રશ્યો સુંદર રીતે રજૂ કરે છે. તેના પાત્રમાં હળવાશ અને સંવેદનશીલતા છે અને રણવીર તેને શાનદાર રીતે નિભાવે છે. આલિયા ભટ્ટ ભાવનાત્મક દ્રશ્યોમાં પ્રભાવિત થાય છે, પરંતુ તે ઘણી જગ્યાએ ઑવર ધ ટૉપ ગઈ છે.

રંધાવા પરિવારની માતા તરીકે જયા બચ્ચન નિર્દયી દેખાય છે અને તે જ તેમની જીત છે. જ્યારે તે રાની અથવા રાનીના પિતા (તોતા રોય ચૌધરી)નું અપમાન કરે છે, ત્યારે તમે પણ ગુસ્સે થઈ જાવ છો. શબાના આઝમીએ તેનું પાત્ર ખૂબ જ સારી રીતે જીવ્યું છે. ધર્મેન્દ્ર એક નાની પણ પ્રભાવશાળી ભૂમિકામાં ઉભરે છે. અમીર બશીર, નમિત દાસ, તોતા રોય ચૌધરી, ચુર્ની ગાંગુલી, ક્ષિતિ જોગ તેમની ભૂમિકામાં પ્રશંસનીય છે.

દિગ્દર્શન અને ટેકનિકલ બાજુ

કરણ જોહરની ફિલ્મો પાસેથી એક જ અપેક્ષા છે - મનોરંજન.. અને રૉકી-રાની આ બાબતમાં સફળ રહી છે. પરંતુ તેને દિગ્દર્શકની શ્રેષ્ઠ ફિલ્મ કહી શકાય નહીં. કરણ જોહરની ફિલ્મ મોટા પડદા પર એકદમ ખૂબસૂરત લાગે છે, ભવ્ય સેટ, વિચિત્ર લોકેશન, રંગબેરંગી કોસ્ચ્યુમ, આ બધું તમારું ધ્યાન ખેંચે છે. તેમાં રોમાન્સ, ઈમોશન્સ, કોમેડી, ડ્રામા, બધું જ છે, પરંતુ ફિલ્મ દિલના ઊંડાણમાં ઉતરવામાં નિષ્ફળ જાય છે.

તેની પાછળનું કારણ સ્ક્રિપ્ટ છે. ઇશિતા મોઇત્રા, શશાંક ખેતાન અને સુમિત રૉય દ્વારા લખવામાં આવેલી આ વાર્તા તમને પાત્રો અથવા તેમના અનુભવો માટે વધુ સમય આપતી નથી. અહીં સ્થિરતાનો અભાવ છે. કેટલાક ભાગોમાં ફિલ્મ ઑવર ધ ટૉપ જતી રહે છે. આ ફિલ્મ દ્વારા કરણ જોહરે પિતૃસત્તા, જેન્ડર બાયસ, સ્ત્રીદ્વેષ, બૉડી શેમિંગ જેવા મુદ્દાઓને પણ બતાવવાનો પ્રયાસ કર્યો છે.

પરંતુ તે વાર્તાને વધુ પડતી વ્યંગાત્મક અથવા ઉપદેશાત્મક બનાવતા નથી, જે સારી બાબત છે. નીતિન બાયડનું સંપાદન વધુ કડક થઈ શક્યું હોત. ખાસ કરીને ફિલ્મનો ફર્સ્ટ હાફ ઘણો ખેંચાયેલો લાગે છે. માનુષ નંદનની સિનેમેટોગ્રાફી ફિલ્મને મજબૂત બનાવે છે.

સંગીત

સંગીત હંમેશા કરણ જોહરની ફિલ્મોનો મહત્વનો અને મજબૂત ભાગ રહ્યો છે. "રૉકી એન્ડ રાનીકી પ્રેમ કહાની" આ બાબતમાં સરેરાશથી ઉપર જાય છે. ફિલ્મનું સંગીત પ્રિતમે કમ્પોઝ કર્યું છે અને ગીતો અમિતાભ ભટ્ટાચાર્ય દ્વારા લખવામાં આવ્યા છે. તેણે ફિલ્મના આલ્બમને એકદમ મિક્સ રાખવાનો પ્રયાસ કર્યો છે. એક રોમેન્ટિક ટ્રેક, એક ડાન્સ નંબર, એક ઉદાસી ગીત. "તુમ ક્યા મિલે", "ઝુમકા", "વે કમલેયા", "ઢીંઢોરા બાજે રે" સ્ક્રીન પર સુંદર દેખાય છે. પરંતુ ગીતોમાં એવું નથી કે તમે તેને લાંબા સમય સુધી યાદ રાખી શકશો.

રેટિંગ

કરણ જોહરની રૉકી ઓર રાનીકી પ્રેમ કહીનીમાં ઘણો ડ્રામા, રોમાન્સ, પરિવાર, લાગણીઓ અને કેટલાક સામાજિક સંદેશાઓ પણ છે. પરંતુ જુસ્સાનો અભાવ છે. આ ફિલ્મ હૃદયને ઊંડે સુધી સ્પર્શવાનું ચૂકી જાય છે. વન ઈન્ડિયા ગુજરાતી તરફથી 'રૉકી ઔર રાની કી પ્રેમ કહાની' માટે 3 સ્ટાર્સ.