Exclusive : ‘સારાને પહેલી ટિપ વજન ઘટાડવાની આપીશ’

મુંબઈ, 25 નવેમ્બર : સૈફ અલી ખાનની દીકરી સારા ખાન ફિલ્મોમાં આવવા અંગેની ચર્ચાઓ ચાલી રહી છે, પરંતુ સૈફે આવા સમાચારો ઉપર પૂર્ણવિરામ મૂકતા જણાવ્યું કે તેમની દીકરી હાલ તો અમેરિકાની કોલંબિયા યુનિવર્સિટીમાં અભ્યાસ કરી રહી છે. ચાર વરસ બાદ તે પાછી ફરશે, ત્યારે શું કરશે તે તો તેની ઉપર જ અવલમ્બે છે.

સૈફે જણાવ્યું કે સારા ફિલ્મ ઇન્ડસ્ટ્રી જૉઇન કરશે કે વકીલ બનશે? તેની તો ખબર નથી, પણ જો તે એક્ટિંગ કરવા માંગશે, તો એક પિતા તરીકે મારી પ્રથમ ટિપ તેને એ જ હશે કે તે પોતાનું વજન ઓછુ કરે. વનઇન્ડિયાના રિપોર્ટર સોનિકા મિશ્રાએ ઇંટરવ્યૂ દરમિયાન સૈફ અલી ખાનને પૂછ્યું કે સારા જો ફિલ્મોમાં આવે, તો શું ટિપ આપશો. સૈફે જણાવ્યું - સારા હાલ તો ચાર વરસ અમેરિકા જ રહેવાની છે, પરંતુ જો તે એક્ટિંગનો ક્ષેત્ર પસંગ કરે, તો હું પહેલી ટિપ એ જ આપીશ કે તે પોતાનું વજન ઓછુ કરે.

જ્યારે સૈફને પૂછવામાં આવ્યું કે કરીના છે ને. તે સારાની મદદ કરશે, તો સૈફનો જવાબ હતો - સારાની મદદ કોઈ ન કરી શકે. તેણે પોતે જ પોતાના વજન ઉપર કંટ્રોલ કરવો પડશે. સરવાળે સૈફ અલી ખાનનું એટલુ જ કહેવુ હતું કે જો સારા ફિલ્મોમાં આવવા માંગશે, તો તેઓ તેને ઇનકાર નહીં કરે. તેના દરેક નિર્ણયમાં તેઓ તેની સાથે જ છે.

English summary

Saif Ali Khan said Sara Khan is going to get complete her studies in America University. After 4 years if Sara Khan wants to join acting career Saif has no objection.