Salaar Trailer: પ્રભાસની 'સલાર'નુ ધમાકેદાર ટ્રેલર રિલીઝ, I Kindly Request.., એક્શન સીન્સે મચાવી તબાહી

Published: Saturday, December 2, 2023, 10:16 [IST]

Salaar Trailer Out: સાઉથનો સુપરસ્ટાર પ્રભાસ ફરી એકવાર લોકોનું મનોરંજન કરવા માટે તૈયાર દેખાય છે. પ્રભાસ ટૂંક સમયમાં ફિલ્મ 'સલારઃ પાર્ટ 1 સીઝફાયર'માં જોવા મળશે. હાલમાં આ ફિલ્મનું ટ્રેલર રિલીઝ કરવામાં આવ્યું છે. ફિલ્મનું ટ્રેલર લોકોને ખૂબ જ પસંદ આવી રહ્યું છે.

ફિલ્મનું ટ્રેલર સોશિયલ મીડિયા પર ટ્રેન્ડ કરી રહ્યું છે. તમને જણાવી દઈએ કે આ ફિલ્મમાં પ્રભાસ લીડ હીરો તરીકે જોવા મળી રહ્યો છે. પ્રભાસના ફેન્સ તેના એક્શન ફોર્મને ફરી એકવાર જોઈને ખૂબ જ ખુશ છે.

પ્રભાસની ફિલ્મ 'સલાર'નું ટ્રેલર 3 મિનિટ 47 સેકન્ડનું છે અને તેને જોયા બાદ અભિનેતાના ફેન્સ ખૂબ જ ખુશ થઈ ગયા છે. ફિલ્મનું શાનદાર ટ્રેલર જોઈને દરેક લોકો ઉત્સાહિત થઈ ગયા છે. આ ફિલ્મના નિર્દેશક પ્રશાંત નીલ છે. પ્રભાસની આ ફિલ્મ 22 ડિસેમ્બર 2023ના રોજ સિનેમાઘરોમાં રિલીઝ થશે.

તમને જણાવી દઈએ કે આ ફિલ્મમાં પ્રભાસની સાથે શ્રુતિ હાસન, પૃથ્વીરાજ સુકુમારન અને જગપતિ બાબુ જેવા કલાકારો જોવા મળશે. આ ફિલ્મ તેલુગુ, તમિલ, મલયાલમ, કન્નડ અને હિન્દીમાં રિલીઝ થશે.

ફિલ્મ 'સલાર'ના ડાયરેક્ટર પ્રશાંત નીલે પિંકવિલાને આપેલા એક ઈન્ટરવ્યુમાં કહ્યું હતું - 'સલાર' બે મિત્રોની વાર્તા છે, જે એક સમયે સૌથી મોટા દુશ્મન બની જાય છે. મિત્રતા એ સલારની મૂળ ભાવના છે. ફિલ્મ 'સલાર પાર્ટ 1 - સીઝફાયર' અડધી વાર્તા કહી રહી છે. 'સલાર'ના ટ્રેલરમાં પ્રભાસનો ડેશિંગ અવતાર જોવા મળી રહ્યો છે. ટ્રેલરમાં પ્રભાસ એકદમ અલગ અંદાજમાં જોવા મળી રહ્યો છે.

ફિલ્મ 'સલાર'ના ટ્રેલરમાં જબરદસ્ત એક્શન જોવા મળી રહ્યું છે જેને જોઈને બધા આશ્ચર્યચકિત થઈ ગયા છે. તમને જણાવી દઈએ કે ટ્રેડ એનાલિસ્ટ મનોબલ વિજયબાલને ટ્વિટર પર લખ્યું હતું કે 'KGF 2'ના ક્લાઈમેક્સમાં સવારે 5.12 વાગ્યે રૉકી ભાઈ પર હુમલો થાય છે અને રૉકીનું જહાજ દરિયામાં ડૂબી જાય છે.

આ પછી પ્રભાસની આગામી ફિલ્મ 'સલાર'નું ટીઝર રિલીઝ કરવાનો સમય પણ 6 જુલાઈએ સવારે 5.12 વાગ્યાનો હતો. એવું લાગે છે કે આ પ્રશાંત નીલ તરફથી એક માસ્ટર પ્લાન છે, જેથી 'KGF 2' અને 'Salar' વચ્ચે જોડાણ કરી શકાય.