રાઝ 3માં ઇમરાનની કાબેલિયતનું યોગ્ય મુલ્યાંકન નથી થયું - સલમાન

મુંબઈ, 18 સપ્ટેમ્બર : ઇમરાન હાશમીના સિતારાં કેટલાંક વર્ષોથી ઘણા બુલંદ રહ્યાં છે અને તેમની દરેક ફિલ્મ બૉક્સ ઑફિસ ઉપર સારો બિઝનેસ કરી રહી છે.

ગયા સપ્તાહે રિલીઝ થયેલી તેમની ફિલ્મ રાઝ 3 તેમની અત્યાર સુધીની સૌથી હિટ ફિલ્મ સાબિત થઈ છે. જોવા જઇએ તો રાઝ 3માં તેમની એક્ટિંગને કઈંક વધુ જ પસંદ કરવામાં આવ્યું, કારણ કે બિપાશાની એક્ટિંગ સામે ફિલ્મના બાકીના પાત્રો ફીકા રહ્યાં.

હવે બૉલીવુડના સુપરસ્ટાર સલમાન ખાનનું કહેવું છે કે ઇમરાનની કાબેલિયત યોગ્ય રીતે મુલવવામાં નથી આવી.

સલમાન ખાને બૉલીવુડના સીરિયલ કિસર ઇમરાન હાશમી અંગે જણાવ્યું હતું, ‘ઇમરાન હાશમીની કાબેલિયતને યોગ્ય રીતે મુલવવામાં નથી આવ્યું. તેમને તેમનું હક મળવું જોઇએ. તેઓ એક પછી એક હિટ ફિલ્મો આપી રહ્યાં છે. સલમાન જણાવે છે કે ઇમરાન આજના સૌથી મોટા એક્ટર છે. મને તેઓ પસંદ છે. તેમનું કામ પણ પસંદ છે.'

બૉલીવુડમાં આજના સુપરસ્ટાર કહેવાતાં સલમાન ખાન કરતાં વધારે બૉલીવુડના એક્ટર્સ અને એક્ટ્રેસિસની યોગ્યતાને બીજુ કોણ ઓળખી શકે.

સલમાને જ બૉલીવુડને ઘણાં નામચીન ચહેરાઓ આપ્યાં છે. આ સાથે બૉલીવુડની ઘણી ટૉપ અભિનેત્રીઓ આજે જે ઉંચાઇએ પહોંચી છે, ત્યાં પહોંચાડવા માટે સલમાનને જ શ્રેય અપી શકાય. ઐશ્વર્યાથી લઈને કેટરીના કૈફ સુધીની સફળતા પાછળ ક્યાંકને ક્યાંક સલમાનનો હાથ છે. તો હવે જો સલમાનને લાગે છે કે ઇમરાનની યોગ્યતાને યોગ્ય રીતે રજુ નથી કરાતું, તો તે સાચ્ચુ જ હશે.

તો હવે ઇમરાને તો ખુશ થવું જોઇએ કે સલમાનની નજરો તેમની ઉપર પડી છે અને શક્ય છે કે હવે ઇમરાનના સિતારાં વધુ ચમકી જાય.

English summary

Salman Khan is one such actor, who understands well the worth of true talent. After giving break to several newbies in the tinselville, Salman feels that Emraan Hashmi, being a superb actor, should receive his due now.