સલમાન ખાનના ઘર પર ગોળી ચલાવનાર 'કાલૂ'ની બહેનનો ચોંકાવનારો ખુલાસો, સામે આવી મોટી સચ્ચાઈ

Salman Khan Firing Case: બૉલિવુડ સુપરસ્ટાર સલમાન ખાનના ઘરની બહાર શૂટિંગ બાદ બી-ટાઉનમાં ડરનો માહોલ છે. ભાઈજાનના સેલેબ મિત્રોથી લઈને સામાન્ય લોકો પણ ચિંતિત છે. સલમાન ખાનના પરિવારના સભ્યો પણ તેની સુરક્ષાને લઈને ખૂબ જ ચિંતિત છે.

મીડિયા રિપોર્ટસનુ માનીએ તો આ સમગ્ર મામલે ગેંગસ્ટર ગોલ્ડી બ્રાર અને લૉરેન્સ બિશ્નોઈ ગેંગના નામ સામે આવ્યા છે. મુંબઈમાં સલમાન ખાનના ઘરની બહાર ફાયરિંગ કરનાર વ્યક્તિના પોલીસે મેળવેલા સીસીટીવી ફૂટેજમાં જે વ્યક્તિનો ચહેરો દેખાય છે તે વિશાલ રાહુલ ઉર્ફે કાલુ સાથે મેળ ખાય છે, જે આ જ ગેંગનો શૂટર છે.

એવું કહેવામાં આવી રહ્યું છે કે ગોળી એક જ વ્યક્તિ દ્વારા ચલાવવામાં આવી હતી. તમને જણાવી દઈએ કે શૂટર કાલુ ગેંગસ્ટર લૉરેન્સ બિશ્નોઈ જૂથ સાથે સંકળાયેલો છે અને એક બુકીની હત્યા કરીને ચર્ચામાં આવ્યો હતો. કાલુ વિશે જણ થતા આજતક ટીમે તેના પરિવારના સભ્યો સાથે વાત કરવાનો પ્રયાસ કર્યો. આવી સ્થિતિમાં વિશાલ ઉર્ફે કાલુની બહેન સાથે વાતચીત થઈ હતી જેમાં અનેક ચોંકાવનારા ખુલાસા થયા હતા.

કાલુની બહેને જણાવ્યું કે તેનો ભાઈ ગત ફેબ્રુઆરીથી ઘરેથી ગુમ છે અને તેનો પરિવારના કોઈ સભ્ય સાથે કોઈ સંપર્ક નથી. કાલુની બહેને કહ્યું કે તે તેના ભાઈ માટે ખૂબ જ ચિંતિત છે. કાલુની બહેને જણાવ્યું કે 7 માર્ચ 2024થી પોલીસકર્મીઓ તેના ઘરે આવીને વારંવાર કાલુની પૂછપરછ કરી રહ્યા છે.

તમને જણાવી દઈએ કે 29 ફેબ્રુઆરી 2024ના રોજ રોહતકમાં ક્રિકેટ બુકી સચિન ગૌડાની હત્યા કરવામાં આવી હતી, ત્યારબાદ વિશાલ ઉર્ફે કાલુ ઘરેથી ગુમ થઈ ગયો હતો. કાલુની બહેને જણાવ્યું કે તેનો ભાઈ 10માં ધોરણ સુધી ભણ્યો છે અને તે ગુનાહિત વલણનો વ્યક્તિ છે. વિશાલ ઉર્ફે કાલુ ત્રણ ભાઈઓમાં નાનો છે. કાલુની બહેને એ પણ જણાવ્યું કે એક દિવસ પહેલા પણ દિલ્હી પોલીસ અને એસટીએફની ટીમ તેમના ઘરે આવી હતી અને એન્કાઉન્ટરની ધમકી આપી હતી. બહેનનો આરોપ છે કે પોલીસે તેને પણ લઈ જવાની ધમકી આપી હતી.

કાલુ સામે ફાયરિંગ અને બાઇક ચોરી જેવા અનેક ગુનાહિત કેસ નોંધાયેલા છે. મળતી માહિતી મુજબ, વિશાલ વિરુદ્ધ ગુરુગ્રામ તેમજ દિલ્હીમાં કેસ નોંધાયેલ છે. મીડિયા રિપોર્ટ્સ અનુસાર, વિશાલે હાલમાં જ હરિયાણાના રોહતકમાં લૉરેન્સ બિશ્નોઈના નિર્દેશ પર એક બુકીની હત્યા કરી હતી. સીસીટીવીમાં રેકોર્ડ થયેલી ઘટનામાં તે ફાયરિંગ કરતો જોવા મળ્યો હતો. તમને જણાવી દઈએ કે કાલુ રાજસ્થાનના કુખ્યાત ગેંગસ્ટર રોહિત ગોદારાનો શૂટર છે.

English summary

Salman Khan Firing Case: Shooter Kalu's sister shocking revelation, tell a big truth.