Sexiest Stars Survey : સલમાને રણબીરને, તો કૅટે દીપિકાને માત આપી...

Updated: Monday, August 18, 2014, 11:34 [IST]

મુંબઈ, 18 ઑગસ્ટ : ભલે સલમાન ખાન અને કૅટરીના કૈફના રસ્તા અલગ થઈ ચુક્યાં હોય, પણ બંનેના ફૅન્સ આજે પણ બંનેને સાથે જ જોવા માંગે છે. એટલે જ તો સલમાન ખાન અને કૅટરીના કૈફ સેક્સિએસ્ટ કપલ તરીકે પસંદગી પામ્યાં છે.

તાજેતરમાં હિન્દુસ્તાન ટાઇમ્સ દ્વારા દેશના યુવાનો વચ્ચે કરાવવામાં આવેલ એક સર્વે મુજબ સલમાન ખાન જીવંત સેક્સિએસ્ટ પુરુષ છે, તો તેમના ભૂતપૂર્વ ગર્લફ્રેન્ડ કૅટરીના કૈફ જીવંત સેક્સિએસ્ટ મહિલા છે.

યૂથ સર્વે 2014ના નામે કરાવવામાં આવેલ આ સર્વેમાં બૉલીવુડ અને હૉલીવુડમાંની કેટલીક સેલિબ્રિટીઓને મૂકવામાં આવી હતી. દેશના યુવાનોના મત મુજબ સલમાન-કૅટ વિશ્વના સેક્સિએસ્ટ પુરુષ-મહિલા છે.

સર્વેમાં સેક્સિએસ્ટ મૅનની રેસમાં સલમાન ખાન ઉપરાંત રણબીર કપૂર, જ્હૉની ડેપ, બ્રૅડ પિટ, રૉબર્ટ ડ્રૉની જૂનિયર, રૉબર્ય પૅટિન્સન તથા ડૅનિયલ ક્રેગ પણ હતાં, તો સેક્સિએસ્ટ વુમૅનની રેસમાં કૅટરીના કૈફ ઉપરાંત દીપિકા પાદુકોણે, વિદ્યા બાલન, બિપાશા બાસુ, એંજેલિના જોલી, ચિત્રાંગદા સિંહ, બિયોન્સ તેમજ આલિયા ભટ્ટ પણ હતાં.

જોકે કિક અભિનેતા સલમાન ખાન 36 ટકા વોટ સાથે, તો ધૂમ 3 અભિનેત્રી કૅટરીના કૈફ 34 ટકા વોટ સાથે પોત-પોતાની કૅટેગરીઓમાં વિજેતા રહ્યાં. સલમાન ખાન ભલે રીયલ લાઇફમાં આજે કૅટ સાથે નથી અને કૅટ રણબીર કપરની બાહોમાં છે, પણ આ સર્વેમાં સલમાને રણબીરને માત આપી પહેલુ સ્થાન હાસલ કર્યું. રણબીરને 29 ટકા જ વોટ મળ્યાં. બીજી બાજુ કૅટરીના કૈફે દીપિકા પાદુકોણેને માત આપી હતી. દીપિકાને કૅટ કરતા લગભગ અડધા એટલે કે 19 ટકા જ વોટ હાસલ થયા હતાં. જોકે દીપિકા બીજા સ્થાને જરૂર રહ્યાં.

ચાલો જોઇએ સેક્સિએસ્ટ જોડી સલમાન-કૅટની તસવીરો :