બૉડીગાર્ડના પુત્રને હીરો બનાવશે બૉડીગાર્ડ

Updated: Wednesday, February 13, 2013, 17:55 [IST]

મુંબઈ, 13 ફેબ્રુઆરી : બૉડીવુડમાં ન્યુ કમર લૉન્ચ કરવાનો શ્રેય જો દિગ્દર્શક તેમજ લેખક મહેશ ભટ્ટને જતો હોય, તો હીરો તરીકે આ ક્રેડિટ સલમાન ખાનને આપી શકાય છે. બૉલીવુડમાં નવા ચહેરાઓ તેમજ જરૂરિયાતમંદોની મદદ કરનાર બૉલીવુડના બૉડીગાર્ડ સલમાન ખાન આજકાલ પોતાના રીયલ બૉડીગાર્ડ શેરાના પુત્ર ઉપર એ હદે ફિદા છે કે તેમણે તેને હીરો તરીકે લૉન્ચ કરવાનું નક્કી કરી નાંખ્યું છે.

આ વાત પોતે સલમાન ખાને એક ન્યુઝ પેપર સાથેની વાતચીતમાં જણાવી. સલમાન ખાને જણાવ્યું કે શેરાના શહઝાદા ખૂબ જ સારાં છે. તેમની બૉડી, તેમનું ફેસ તથા કામ પ્રત્યે સમર્પણ જ મને તેમની નજીક લઈ ગયું. તેથી મને લાગે છે કે તે હીરો બનવા લાયક છે અને જો હું તેની મદદ કરૂં, તો ખોટું શું છે? અંતે કોઇકે તો પહેલ કરવી જ પડશે. સલમાનના બૉડીગાર્ડનું સાચું નામ ગુરમીત સિંહ જૉલી છે.

આપને જણાવી દઇએ કે સલમાન ખાન આવાં જ છે. સોનાક્ષી સિન્હાથી માંડી અર્જુન કપૂર સુધી સલમાનની મદદથી જ આજે બૉલીવુડના ચર્ચિત ચહેરાઓ બનેલાં છો, તો મીકા સિંહ અને હિમેશ રેશમિયાની કિસ્મત ચમકાવવામાં પણ સલમાન ખાનનો જ ફાળો છે.