Pics : કૅટ રણબીર સાથે, તો સલમાન પણ એકલાં નથી!

Published: Tuesday, July 30, 2013, 11:14 [IST]

મુંબઈ, 30 જુલાઈ : પુનઃ એક વાર સલમાન ખાનની એક નવી પ્રણય-કથાએ મીડિયામાં ચર્ચા જગાવી છે. કહે છે કે રોમાનિયાના ટેલીવિઝન એક્ટ્રેસના મોહપાશમાં આ વખતે સલ્લુ મિયા ગંભીર રીતે કેદ થઈ ગયાં છે. આ રોમાનિયા ગર્લનું નામ છે લુલિયા વૅંટર. તેમના અંગે કહેવાઈ રહ્યું છે કે તેઓ સલમાન ખાન સાથે જ તેમના ઘરમાં જ રહી રહ્યાં છે. તેથી લોકોએ દબાયેલી જીભે કહેવું શરૂ કર્યુ હતં કે ક્યાંક સલમાન ખાન લુલિયા સાથે લિવ ઇન રિલેશનમાં તો નથી.

એમ કહેવું અતિશ્યોક્તિપૂર્ણ નહિં ગણાય કે સલમાન ખાનના એક વખતના પ્રેમિકા કૅટરીના કૈફ જો આજકાલ રણબીર કપૂર સાથે મસ્તી કરતાં હોય, તો સલમાન ખાન પણ એકલાં નથી. સલમાન-લુલિયા આજકાલ સાથે-સાથે નજરે પડે છે. કહે છે કે સલમાન ખાન લુલિયા વૅંટરને દરેક સ્થાને પોતાની સાથે લઈ જઈ રહ્યાં છે.

મળતી માહિતી મુજબ રોમાનિયાની લૂલિયા અને સલમાન ખાન વચ્ચે નિકટતા હોવાની ચર્ચા લાંબા સમયથી થઈ રહી છે. માનવામાં આવી રહ્યું છે કે આ બન્ને લગભગ બે વર્ષથી સાથે છે, પરંતુ સલમાને ક્યારેય આ વાત બહાર નથી આવવા દીધી. હાલમાં સલમાન ગોવામાં શુટિંગ કરી રહ્યો છે અને લૂલિયા તેની સાથે છે. જાણવા મળ્યું છે કે આ બન્નેની મુલાકાત વિદેશમાં થઈ હતી અને ત્યારથી તેઓ સારા મિત્રો બન્યા હતા. સલમાનનાં જીવનમાં પહેલા સંગીતા બિજલાની, સોમી અલી, ઐશ્વર્યા રાય તથા કેટરીના કૈફ આવી ચુક્યા છે.

આવો તસવીરો સાથે જાણીએ વધુ વિગતો :

હમ સાથ સાથ હૈં

સલમાન ખાન આજકાલ દરેક સ્થળે લુલિયા વૅંટર સાથે દેખાય છે. પોતાના ફિલ્મના શૂટિંગ સ્થળે પણ સલમાન-લુલિયા સાથે દેખાય છે.

બે વર્ષની રિલેશનશિપ

સલમાન-લુલિયા વચ્ચે મૈત્રી સમ્બંધ છેલ્લા બે વરસથી છે, પરંતુ ફિલ્મી શેરીઓમાંથી જાણવા મળે છે કે સલમાન લુલિયાને મિત્ર કરતાં વધુ માને છે અને આ સંબંધ લગ્નમાં પરિણમી શકે છે.