Pics : મિશન સપને માટે હજામ બનતાં સલમાન ખાન!

Published: Wednesday, February 5, 2014, 16:15 [IST]

મુંબઈ, 5 ફેબ્રુઆરી : નાના પડદે ટુંકમાં જ શરૂ થનાર રિયલિટી શો મિશન સપનેમાં બૉલીવુડની અનેક હસ્તીઓ સામાન્ય માણસની ભૂમિકામાં નજરે પડવાના છે. મળતી માહિતી મુજબ હરભજન સિંહ આ શોમાં ચવાણાવાળા બનવાનાં છે, તો સલમાન ખાન મિશન સપને શોમાં હજામની ભૂમિકા ભજવવા જઈ રહ્યાં છે.

અગાઉ જાણવા મળ્યુ હતું સલમાન ખાન શોમાં એક દિવસ માટે ચાવાળા બનશે, પરંતુ હવે એમ જાણવા મળે છે કે દબંગ સલમાન ચાવાળા નહીં, પણ હજામ બનવા જઈ રહ્યાં છે. કહે છે કે સલમાન ખાન હજામ કુર્બાન અલીના જીવનથી બહુ પ્રભાવિત છે. કુર્બાને એક અકસ્માતમાં પગ ગુમાવી દીધા હતાં, પરંતુ પોતાની હિમ્મતના બળે પોતાના જીવનને સરળ બનાવી દીધું. સલમાન તેમની કહાણીથી પ્રિરત છે અને તેમના સંઘર્ષને નાના પડદે કંડારવા માંગે છે.

કલર્સ ચૅનલ ઉપર પ્રસારિત થનાર આ રસપ્રદ શો મિશન સપનેમાં વરુણ ધવન શાકભાજી વેચતા નજરે પડવાનાં છે, તો હરભજન સિંહ ચવાણા વેચશે. આ બૉલીવુડ ચહેરાઓને સામાન્ય જીવન જીવતા જોવા ખૂબ જ રસપ્રદ બની રહેનારું છે. આ શોની વધુ એક ખાસ બાબત એ હશે કે આ જાણીતી હસ્તીઓ આ શો વડે જરૂરિયામંદ લોકોની મદદ કરવા માંગે છે.

ચાલો તસવીરો સાથે જોઇએ સલમાન ખાન એઝ હજામ :

મિશન સપને

કલર્સ ચૅનલ ઉપર સામાન્ય વ્યક્તિઓના સંઘર્ષની કહાણી દર્શાવતો શો મિશન સપને ટુંકમાં જ શરૂ થવાનો છે કે જેમાં સેલિબ્રિટીઓ સામાન્ય માણસની ભૂમિકા ભજવી તેમની કહાણી દર્શાવશે.