Pics : સંજય જેલ જાય તો પીકે-પોલીસગિરીનો બેડો પાર?

Published: Saturday, March 23, 2013, 16:29 [IST]

મુંબઈ, 23 માર્ચ : સામાન્ય રીતે જોવામાં આવે છે કે કોઈ પણ ફિલ્મ અથવા તેનો કોઈ પણ એક કલાકાર સુદ્ધા પણ જો વિવાદમાં ફસાય, તો ફિલ્મને પ્રસિદ્ધિ મળે છે અને એવી અનેક ફિલ્મો અગાઉ હિટ પણ થઈ છે.

અત્યારે બૉલીવુડમાં સૌથી વધુ ચર્ચિત સંજય દત્ત છે. સુપ્રીમ કોર્ટના ચુકાદા બાદ તેમની ઉપર જેલ જવાનું સંકટ તોળાય છે. તેવામાં ભૂતકાળના અનુભવના આધારે કહી શકાય કે સંજય દત્તની આવનાર ફિલ્મો ઉપર આ સમગ્ર પ્રકરણની પૉઝિટિવ અસર જ થશે, કારણ કે સંજય દત્ત પ્રત્યે લોકોમાં સહાનુભૂતિનું મોજું ફરી વળ્યું છે.

સંજય દત્તની એમ તો આઠ ફિલ્મો છે કે જેમાં તેઓ અભિનય કરી રહ્યાં છે, પરંતુ જો સંજય દત્તને ચાર અઠવાડિયામાં જેલ જવું જ પડે, તો આ ટુંકાગાળામાં તેઓ કમ સે કમ બે ફિલ્મો પીકે અને પોલીસગિરીનું શૂટિંગ તો પૂર્ણ કરી જ લેશે. જોકે સંજય દત્તે તમામ ફિલ્મોનું શૂટિંગ પૂર્ણ કરવાનો વાયદો કર્યો છે, પરંતુ પરિસ્થિતિઓ જોતાં એટલું તો કહી શકાય કે આ બંને ફિલ્મોનું શૂટિંગ પૂર્ણ થઈ શકે છે.

એસ. રવિકુમારની પોલીસગિરી અને રાજકુમાર હીરાણીની પીકે ફિલ્મનું શૂટિંગ લગભગ પૂર્ણતાના આરે છે. તેથી કહી શકાય કે સંજય દત્ત આ બંને ફિલ્મોનું શૂટિંગ પૂર્ણ કરી લેશે. બીજી બાજુ સંજય દત્ત પ્રત્યે ફરી વળેલું સહાનુભૂતિનું મોજું પણ આ ફિલ્મોને હિટ કરાવવામાં મહત્વનો ફાળો ભજવી શકે છે.

આવો તસવીરોમાં જોઇએ પીકે અને પોલીસગિરી.

તો પીકે-પોલીસિગરીનો બેડો પાર?

મિસ્ટર પરફેક્શનિસ્ટ આમિર ખાન સાથે સંજય દત્તની પ્રથમ ફિલ્મ પીકે છે. આ ફિલ્મનું શૂટિંગ લગભગ પૂર્ણતાના આરે છે. સંજયને જો જેલ જવું જ પડે, તો પણ તેઓ આ ફિલ્મનું શૂટિંગ પૂર્ણ કરી શકે છે.