Video : બાંદ્રાની બજારમાં એટલી રખડતી જોવા મળી સારા અલી ખાન, વીડિયો સોશિયલ મીડિયા પર વાયરલ

બોલિવૂડની ઉભરતી અભિનેત્રી સારા અલી ખાન તેની અજીબ હરકતો માટે જાણીતી છે. ક્યારેક તે રિક્ષામાં મુંબઈની ગલીઓમાં ફરતી જોવા મળે છે તો ક્યારેક બીચ પર લોકો વચ્ચે રખડતી જોવા છે. હવે તે બાંદ્રાની ગલીઓમાં એકલા શોપિંગ કરતી સ્પોટ થઈ છે.

હાલમાં સોશિયલ મીડિયા પર એક વીડિયો ઝડપથી વાયરલ થઈ રહ્યો છે. આ વીડિયોમાં સારા અલી ખાન લોકો વચ્ચે બજારમાં ફરતી જોવા મળી રહી છે. સારા અલી ખાન બાંદ્રાના રસ્તાઓ પર કોઈ ગાર્ડ વગર એકલી ખરીદી કરતી જોવા મળી રહી છે.

વીડિયોમાં સારા અલી ખાન સાથે તેની એક ફ્રેન્ડ પણ શોપિંગ કરતી જોવા મળી રહી છે. વીડિયોમાં જોઈ શકાય છે કે તે કપડા ખરીદવા માટે બાંદ્રાની સડકો પરની દુકાનોમાં જઈ રહી છે.

આ વીડિયોમાં સારા અલી ખાન સિમ્પલ અંદાજમાં જોવા મળી રહી છે. તેનો આ અંદાજ ફેન્સના દિલ જીતી રહ્યો છે. અહીં સારા બ્લેક ટોપ અને યલો પ્રિન્ટેડ શોર્ટ્સમાં જોવા મળી રહી છે. એક્ટ્રેસનો આ વીડિયો ઈન્સ્ટાગ્રામ પર આવતાની સાથે જ સોશિયલ મીડિયા પર વાયરલ થઈ રહ્યો છે.

વીડિયો સામે આવ્યા બાદ યુઝર્સ પોતાની પ્રતિક્રિયા આપી રહ્યા છે. એક યુઝરે કોમેન્ટ કરીને લખ્યુ કે, કોણ કહેશે કે આ નવાબના પરિવારમાંથી છે. બિન્દાસ પરિવારની ઈમેજથી ડર્યા વગર ગમે ત્યાં જાય છે. સારાની દાદી શર્મિલા ટાગોર ખૂબ જ સરસ વ્યક્તિ છે અને કદાચ તે તેના પર ગઈ છે.

વર્ક ફ્રન્ટની વાત કરીએ તો સારા અલી ખાન હાલમાં જ તેની ફિલ્મ ઝરા હટકે ઝરા બચકેમાં જોવા મળી હતી. આ ફિલ્મમાં તેની સાથે વિક્કી કૌશલ લીડ રોલમાં જોવા મળ્યો હતો. આ ફિલ્મ બોક્સ ઓફિસ પર સુપરહિટ રહી છે.

સારા અલી ખાન ટૂંક સમયમાં જ આદિત્ય રોય કપૂર સાથે ફિલ્મ મેટ્રો ઇન દિનોમાં જોવા મળશે. જે આવતા વર્ષે 2024માં રિલીઝ થશે. આ ઉપરાંત તેની પાસે એ વતન મેરે વતન પણ છે.

English summary

Sara Ali Khan was seen shopping alone in the Bandra market, the video went viral