Happy Birthday : સારા માટે થશે ‘હૅપ્પી ન્યુ ઈયર’?

મુંબઈ, 3 ડિસેમ્બર : અભિનેત્રી સારા જેન ડિયાઝ આજે 31મી જન્મ દિવસ ઉજવી રહ્યાં છે. ચાર વર્ષના નાનકડા ફિલ્મી કૅરિયરમાં સારાએ ક્યા સુપર કૂલ હૈં હમ ફિલ્મ દ્વારા પોતાની ઓળખ સ્થાપિત કરી હતી. તેમની પ્રથમ હિન્દી ફિલ્મ ગેમ હતી કે જે 2011માં આવી હતી, પરંતુ 2012માં આવેલી ક્યા સુપર કૂલ હૈં હમ ફિલ્મ હિટ રહી હતી.

સારા જેન ડિયાઝ હવે ઓ તેરી ફિલ્મમાં દેખાવાના છે, પરંતુ આમ છતાં ચાર વર્ષના કૅરિયર દરમિયાન તેમને ઝાઝી સફળતા મળી નથી. હવે તેમને સૌથી મોટી અપેક્ષા હૅપ્પી ન્યુ ઈયર ફિલ્મ પાસે રહેશે. આ ફિલ્મ તેમના માટે ટ્રમ્પ કાર્ડ સાબિત થઈ શકે છે કે જેમાં શાહરુખ ખાન, દીપિકા પાદુકોણે તેમજ અભિષેક બચ્ચન જેવા સ્ટાર્સ છે.

મિસ ઇન્ડિયા, મૉડેલ અને ચૅનલ વીના વીજે રહી ચુકેલા સારા જેન ડિયાઝની અભિષેક બચ્ચન સાથે આ બીજી ફિલ્મ હશે. સારાએ 2011માં ગેમ ફિલ્મ દ્વારા અભિષેક બચ્ચનની અપૉઝિટ કામ કરી બૉલીવુડમાં પ્રવેશ કર્યો હતો. તે પછી ક્યા સુપર કૂલ હૈં હમ ફિલ્મમાં બિકિની પહેરવા છતાં તેમને ખાસ ઓળખ ન મળી, પરંતુ તેઓ ચર્ચામાં જરૂર આવી ગયાં. સારા આગામી સમયમાં ઓ તેરી ફિલ્મમાં દેખાશે, પરંતુ મોટી અપેક્ષા હૅપ્પી ન્યુ ઈયર પાસે જ છે.

English summary

Sarah Jane Dias turns 31st today. She has bagged Atul Agnihotri's "O Teri" and is glad to be getting a chance to work with big names in filmdom.