શર્લિન ચોપડાને સુપ્રીમ કોર્ટથી મળી મોટી રાહત, SCએ પોર્ન ફિલ્મ કેસમાં આપ્યા આગોતરા જામિન
પોર્ન ફિલ્મ કેસમાં અભિનેત્રી શર્લિન ચોપરાને શુક્રવારે સુપ્રીમ કોર્ટમાંથી મોટી રાહત મળી છે. સુપ્રીમ કોર્ટે અભિનેત્રીની ધરપકડ પર રોક લગાવી દીધી છે. સુપ્રીમ કોર્ટે અરજી પર મહારાષ્ટ્ર સરકારને નોટિસ જારી કરતા પહેલા રાજ કુન્દ્
પોર્ન ફિલ્મ કેસમાં અભિનેત્રી શર્લિન ચોપરાને શુક્રવારે સુપ્રીમ કોર્ટમાંથી મોટી રાહત મળી છે. સુપ્રીમ કોર્ટે અભિનેત્રીની ધરપકડ પર રોક લગાવી દીધી છે. સુપ્રીમ કોર્ટે અરજી પર મહારાષ્ટ્ર સરકારને નોટિસ જારી કરતા પહેલા રાજ કુન્દ્રા અને પૂનમ પાંડેની ધરપકડ પર વચગાળાનો સ્ટે પણ મુકી દીધો છે. સુપ્રીમ કોર્ટે શુક્રવારે પોર્ન ફિલ્મ રેકેટ કેસમાં અભિનેત્રી શર્લિન ચોપરાને ધરપકડથી રક્ષણ આપ્યું છે.
જસ્ટિસ વિનીત સરન અને અનિરુદ્ધ બોઝની બેન્ચે ચોપરા દ્વારા બોમ્બે હાઈકોર્ટના આગોતરા જામીન ફગાવવાના આદેશ સામે દાખલ કરેલી અપીલ પર મહારાષ્ટ્ર સરકારને નોટિસ જારી કરી છે. તેમની સામે કોઈ શિક્ષાત્મક પગલાં લેવામાં આવશે નહીં."
શર્લિન ચોપરા તરફથી હાજર રહેલા એડવોકેટ સુનીલ ફર્નાન્ડિસે રજૂઆત કરી હતી કે આ કેસના અન્ય આરોપીઓને પહેલાથી જ રક્ષણ આપવામાં આવ્યું છે. એફઆઈઆરમાં અભિનેત્રી પૂનમ પાંડે સાથે શર્લિન ચોપરાનું નામ આરોપી તરીકે રાખવામાં આવ્યું છે. પૂનમ પાંડેને 18 જાન્યુઆરીએ સુપ્રીમ કોર્ટે ધરપકડથી રક્ષણ આપ્યું હતું. 25 નવેમ્બર, 2021ના રોજ હાઈકોર્ટ દ્વારા તેમની આગોતરા જામીન અરજી ફગાવી દેવામાં આવી હતી. ડિસેમ્બરમાં, સુપ્રીમ કોર્ટે અભિનેત્રી શિલ્પા શેટ્ટીના પતિ રાજ કુન્દ્રાને કથિત રીતે અશ્લીલ વીડિયો શેર કરવા બદલ નોંધાયેલી એફઆઈઆરના સંબંધમાં ધરપકડથી રક્ષણ આપ્યું હતું.
રાજ કુન્દ્રા પર ભારતીય દંડ સંહિતાની કેટલીક કલમો, મહિલાનું અશોભનીય પ્રતિનિધિત્વ (નિવારણ) અધિનિયમ અને માહિતી પ્રૌદ્યોગિકી અધિનિયમ હેઠળ ગુનો નોંધવામાં આવ્યો હતો, તેની કથિત રીતે પોર્ન વીડિયો બનાવવા અને વેચાણ કરવા બદલ ધરપકડ કરવામાં આવી હતી.
ધરપકડના ડરથી કુન્દ્રાએ પહેલા સેશન્સ કોર્ટમાં આગોતરા જામીનની માંગણી કરી હતી, પરંતુ તેને નકારી કાઢવામાં આવી હતી. ત્યારબાદ તેણે હાઈકોર્ટમાં દાવો કર્યો કે તેને ફસાવી દેવામાં આવ્યો છે. જોકે, કુન્દ્રા હાલ જામીન પર જેલની બહાર છે.