પંજાબ પૂર પીડિતો માટે શાહરૂખ ખાને મદદનો હાથ લંબાવ્યો, 1500 પરિવારોને રાહત સામગ્રી પહોંચાડી
Shah Rukh Khan Punjab Flood Relief: પંજાબમાં ભારે વરસાદને કારણે આવેલા પૂરને કારણે જન-જીવન વેર-વિખેર થઈ ગયું છે. હજારો લોકોને ઘર છોડી સ્થળાંતર કરવું પડ્યું છે. હવે આ સંકટ વચ્ચે બોલિવૂડના કલાકારો પણ પૂરથી પ્રભાવિત લોકોને મદદ કરવા આગળ આવ્યા છે. અભિનેતા શાહરૂખ ખાનની મીર ફાઉન્ડેશન અને સ્થાનિક NGO મળીને પ્રભાવિત પરિવારને મદદ કરી રહી છે.
પંજાબના લોકોનો સહારો બન્યો શાહરૂખ ખાન
શાહરૂખ ખાનના મીર ફાઉન્ડેશને સ્થાનિક NGOs સાથે હાથ મિલાવ્યા છે અને હવે પંજાબ પૂરથી પ્રભાવિત પરિવારોને મદદ કરી રહ્યા છે. આ અંતર્ગત જરૂરી રાહત કીટનું વિતરણ કરવામાં આવી રહ્યું છે જેમાં દવાઓ, સ્વચ્છતા વસ્તુઓ, ખાદ્ય પદાર્થો, મચ્છરદાની, તાડપત્રી ચાદર, ફોલ્ડિંગ બેડ, કપાસના ગાદલા અને અન્ય આવશ્યક વસ્તુઓનો સમાવેશ થાય છે. આ પહેલ અમૃતસર, પટિયાલા, ફાઝિલ્કા અને ફિરોઝપુર જેવા જિલ્લાઓમાં કુલ 1,500 પરિવારો સુધી પહોંચશે. તેનો ઉદ્દેશ્ય લોકોની તાત્કાલિક આરોગ્ય, સલામતી અને આશ્રયની જરૂરિયાતોને પૂર્ણ કરવાનો છે જેથી પૂરગ્રસ્ત પરિવારો તેમના જીવનને ગૌરવ સાથે પાટા પર પાટા પર લાવી શકે.
શાહરૂખ ખાનનું મીર ફાઉન્ડેશન મદદે આવ્યું
તમને જણાવી દઈએ કે, શાહરૂખ ખાનનું મીર ફાઉન્ડેશન મુખ્યત્વે એસિડ એટેક સર્વાઇવર અને મહિલા સશક્તિકરણ માટે કામ કરે છે પરંતુ જ્યારે પણ સમાજમાં કોઈને મદદની જરૂર પડી ત્યારે અભિનેતાની આ સંસ્થાએ હંમેશા તેમનો હાથ પકડ્યો છે. કોવિડ 19 દરમિયાન પણ મીર ફાઉન્ડેશને ઓક્સિજન સિલિન્ડર, હોસ્પિટલો માટે બેડ તેમજ રાશન અને પૈસા જેવી આવશ્યક વસ્તુઓ પૂરી પાડી હતી. હવે અભિનેતાના આ ફાઉન્ડેશને પૂરગ્રસ્ત પરિવારોને રાહત સામગ્રી પૂરી પાડી છે.
આ સ્ટાર્સ પૂરગ્રસ્ત પરિવારો માટે દેવદૂત બન્યા
અત્યાર સુધી પંજાબમાં પૂરગ્રસ્ત પરિવારોને ઘણી હસ્તીઓ મદદ કરી ચૂકી છે. સોનુ સૂદ, દિલજીત દોસાંઝ, સલમાન ખાન, શહનાઝ ગિલ, હરભજન સિંહ સહિત અનેક હસ્તીઓ આગળ આવીને મદદનો હાથ લંબાવ્યો છે. સલમાન ખાનની સંસ્થા બીઇંગ હ્યુમન દ્વારા પંજાબમાં પાંચ બચાવ બોટ મોકલી છે અને ઘણા પૂરગ્રસ્ત વિસ્તારોને દત્તક લેવાની જાહેરાત પણ કરી છે. આ સાથે એમી વિર્ક, દિલજીત દોસાંઝ સહિત અનેક હસ્તીઓ બચાવ કાર્યમાં રોકાયેલા છે.
Click it and Unblock the Notifications
Sign in with Google
