તુનિષા શર્મા આત્મહત્યા કેસમાં શીઝાન ખાનની મુશ્કેલી વધી, કોર્ટે દિવસની જ્યૂડિશિયલ કસ્ટડીમાં મોકલ્યો
તુનિષા શર્માંના એક્સ બોયફ્રેન્ડ અને કોસ્ટાર શીઝાન ખાનની ધરપકડ કરી હતી. હવે કોર્ટે તેની મુશ્કેલી વધારી છે. કોર્ટે શીઝાન ખાનને 14 દિવસની જ્યૂડિસિયલ કસ્ટડીમાં મોકલવા આદેશ કર્યો છે.
મુંબઈ : અભિનેત્રી તુનિષા શર્માની આત્મહત્યાને લઈને રોજ નવા નવા ખુલાસા થઈ રહ્યા છે. આ પહેલા પોલીસે તેના એક્સ બોયફ્રેન્ડ અને કોસ્ટાર શીઝાન ખાનની ધરપકડ કરી હતી. હવે કોર્ટે તેની મુશ્કેલી વધારી છે. કોર્ટે શીઝાન ખાનને 14 દિવસની જ્યૂડિસિયલ કસ્ટડીમાં મોકલવા આદેશ કર્યો છે.
પોલીસ સતત આત્મહત્યાને લઈને તપાસ કરી રહી છે ત્યારે રિમાન્ડ પુરા થતા શીઝાન ખાનને પોલીસે વસઈ કોર્ટમાં રજુ કર્યો હતો. અહીં કોર્ટે આરોપી શીઝાન ખાનને 14 દિવસની કસ્ટડીમાં મોકલવા આદેશ કર્યો હતો.
મળતી વિગતો અનુસાર પોલીસે તુનિષા શર્મા આત્મહત્યા કેસમાં અત્યારસુધીમાં 27 લોકોના નિવેદન લીધા છે. આ સિવાય પોલીસ જણાવી રહી છે કે આરોપી શીઝાન ખાન તપાસમાં સહકાર નથી આપી રહ્યો. આ પહેલા પોલીસે 28 ડિસેમ્બરે 2 દિવસના રિમાન્ડ માંગ્યા હતા અને જણાવ્યુ હતું કે તમામ એંગલથી તપાસ થઈ રહી છે.
અહીં તમને જણાવી દઈએ કે, તુનિષા શર્મા અને શીઝાન ખાનના રિલેશનને લઈને સતત નવા ખુલાસા થઈ રહ્યા છે. તુનિષાના પરિવારના સભ્યો જણાવી રહ્યા છે કે, શીઝાન ખાનને મળ્યા બાદ તુનીષા બદલાઈ ગઈ હતી અનેહિજાબ પહેરવાનું શરૂ કરી દીધું હતું. આ સિવાય શીઝાન ખાન તુનીશા સાથે મારપીટ કરતો હોવાનો પણ આરોપ લગાવ્યો છે. પરિવારે એ પણ આરોપ લગાવ્યો છે કે શીઝાન ખાનના અન્ય યુવતીઓ સાથે પણ સંબંધ હતા.
Click it and Unblock the Notifications
Sign in with Google
