શર્લિનની કામસૂત્ર 3ડીનો સેટ આગમાં બળી ખાખ

Updated: Wednesday, October 8, 2014, 17:49 [IST]

મુંબઈ, 21 ઑક્ટોબર : વિવાદાસ્પદ અભિનેત્રી શર્લિન ચોપરાની પ્રથમ એડલ્ટ ફિલ્મ કાસમૂત્ર 3ડી પોતાના હૉટ ટૉપિકના કારણે ઘણા વખતથી ચર્ચામાં છે. ફિલ્મના બોલ્ડ સબ્જેક્ટ તેમજ શર્લિન દ્વારા કરાતી બોલ્ડ પબ્લિસિટીના કારણે ચર્ચિત કામસૂત્ર 3ડીના સેટ ઉપરથી એક માઠા સમાચાર છે. કહે છે કે ફિલ્મનો એક સેટ નાવ ઉપર લગાવાયો હતો, પણ અચાનક આ સેટમાં આગ લાગી ગઈ કે જેમાં લાખોનું નુકસાન થઈ ગયું.

મળતી માહિતી મુજબ આ અકસ્માતમાં કોઈ પણ ઈજાગ્રસ્ત થયું નથી, પરંતુ આર્થિક રીતે ઘણું નુકસાન થયું છે. કામસૂત્ર 3ડી ફિલ્મનું શૂટિંગ હાલ તામિળનાડુના થુથુકુડી ઓલ્ડ હાર્બર પોર્ટ પાસે ચાલી રહ્યું છે. પોર્ટ પાસે જ એક નાવ ઉપર સેટ તૈયાર કરાયો હતો કે જેમાં લાખોનો ખર્ચ થયો હતો, પરંતુ સેટ તૈયાર થતા ઘણો સમય લાગી ગયો અને તેથી ફિલ્મના ક્રૂ મેમ્બરે આરામ કર્યા બાદ ફિલ્મના શૂટિંગની વાત કરી. નિર્માતા રૂપેશ પૉલ માની ગયાં, પણ અડધી રાત બાદ અચાનક નાવમાં આગ લાગી અને સેટ બળીને ખાક થઈ ગયો. આગના કારણો અંગે ખુલાસો થયો નથી.

ફિલ્મ નિર્માતાએ નાવ માલિકને ડોઢ લાખ રુપિયા આપી દીધાં, પરંતુ અચાનક થયેલ આ અકસ્માતના પગલે ફિલ્મનું શૂટિંગ બાધિત થઈ ગયું છે. કામસૂત્ર 3ડી ફિલ્મમાં લીડ રોલ શર્લિન ચોપરા તથા મલ્ખાન સિંહ કરી રહ્યાં છે. ફિલ્મ દેસી અને વિદેશી બંને વર્ઝનમાં બની રહી છે. દેસી વર્ઝનમાં શર્લિનના સેમી ન્યુડ સીન છે, તો વિદેશીમાં તેઓ ફુલ ન્યુડ સીનમાં છે.