લગ્ન પહેલા સેક્સ ખૂબ જરૂરી : શર્લિન ચોપરા

Published: Tuesday, December 3, 2013, 17:10 [IST]

મુંબઈ, 3 ડિસેમ્બર : શર્લિન ચોપરા પોતાના વિવાદાસ્પદ કામો તથા નિવેદનોના પગલે ચર્ચામાં રહેતા આવ્યાં છે. શર્લિનની ફિલ્મ કામસૂત્ર 3ડી પણ ટુંકમાં જ રિલીઝ થવાની છે. ફિલ્મને ચર્ચામાં રાખવા શર્લિન કંઈકને કંઈક મુદ્દા છેડતા રહે છે અને હવે તેમણે નવો મુદ્દો સેક્સનો છેડ્યો છે.

તાજેતરમાં જ કરણ જૌહરના શો કૉફી વિથ કરણમાં આવેલા સલમાન ખાને વર્જિનિટી અંગે ચર્ચા કરી, તો શર્લિનને તક મળી ગઈ. શર્લિને તરત જ પોતાનો અભિપ્રાય મૂકી દીધો કે જો સલમાન ખાન વર્જિન હોય અને તેમણે સેક્સ ન કર્યુ હોય, તો લગ્ન પહેલા સેક્સ કરવુ બહુ જરૂરી હોય છે. હવે આવું કેમ? એ તો શર્લિન ચોપરા જ જાણે, પણ તેમના નિવેદને અનેક લોકોને આશ્ચર્યમાં નાંખી દીધાં છે.

શર્લિન ચોપરા એમ તો કાયમ વિવાદાસ્પદ નિવેદનો અને સેક્સ અંગે ખુલ્લી ચર્ચા કરવા માટે હૅડલાઇન્સ બની જાય છે, પણ આ રીતે પ્રી-મૅરેટલ સેક્સ અંગે કહી તેમણે નવો વિવાદ છેડ્યો છે. શર્લિને જણાવ્યું કે લિવ ઇન રિલેશનશિપ પણ લગ્નની જેમ પવિત્ર હોય છે અને તેમાં કોઈ પ્રકારની ગંદગી નથી.

Published On December 3, 2013