શૂટઆઉટે બગાડી કંગના રાણાવતના જન્મ દિવસની મજા
મુંબઈ, 20 માર્ચ : બૉલીવુડના ક્યૂટ અભિનેત્રી કંગના રાણાવતનો આજે 26મો જન્મ દિવસ છે, પરંતુ જન્મ દિવસે જ કંગના નારાજ હોવાના સમાચારો મળે છે. કોનાથી નારાજ છે કંગના?
હકીકતમાં થયું એમ કે કંગના રાણાવત પોતાની આવનાર ફિલ્મ શૂટઆઉટ એટ વડાલાના સેટ પર પહોંચ્યા અને તેમણે જોયું કે એક નહીં, ત્રણ-ત્રણ અભિનેત્રીઓ ફિલ્મ માટે ગીત કરી રહી છે. તેમાં પ્રિયંકા ચોપરા, સન્ની લિયોન અને સોફી ચૌધરીનો સમાવેશ થતો હતો. કંગનાના નજીકના સૂત્રોની માનીએ તો ત્રણ અભિનેત્રીઓને જોઈ કંગનાને ખૂબ માઠું લાગ્યું. તેમણે અહીં સુધી કહી નાંખ્યું કે શક્ય છે કે તેઓ હવે આ ફિલ્મને પ્રમોટ નહીં કરે.
હિમાચલ પ્રદેશના મંડી ખાતે 20મી માર્ચ, 1987ના રોજ જન્મેલા કંગના રાણાવતને તેમના જન્મ દિવસે તમામ ફૅન્સ નારાજગી વિશે પૂછી રહ્યાં છે. લોકો પૂછી રહ્યાં છે કે તેઓ શૂટઆઉટના કારણે કેમ ગુસ્સામાં છે? કોઈ પૂછે છે કે શું સાચે જ તેઓ નારાજ છે? તો કોઈ તેમની નારાજગીનું સાચું કારણ જાણવા માંગે છે.
ખેર આપણે તો કંગના રાણાવતને તેમના 26મા જન્મ દિવસે શુભેચ્છાઓ પાઠવીએ છીએ. 2006માં ગૅંગસ્ટર ફિલ્મ દ્વારા બૉલીવુડમાં પ્રવેશ કરનાર કંગનાની આવનાર ફિલ્મો છે આઈ લવ એનવાય, શૂટઆઉટ એટ વડાલા, કૃષ 3, રજ્જો, રિવૉલ્વર રાણી અને ક્વીન.