ઇરોઝ ઇંટરનેશનલ બની સોહેલની જય હો ફિલ્મની સહ-નિર્માતા

Updated: Thursday, October 9, 2014, 10:27 [IST]

મુંબઈ, 27 નવેમ્બર : ફિલ્મોદ્યોગ ક્ષેત્રની પ્રમુખ કમ્પની ઇરોઝ ઇંટરનેશનલ મીડિયા લિમિટેડે બુધવારે જણાવ્યું કે તે સોહેલ ખાન પ્રોડક્શનની આગામી ફિલ્મ જય હોની સહ-નિર્માતા હશે કે જેમાં સલમાન ખાન મુખ્ય ભૂમિકામાં છે.

સોહેલ ખાન તથા સુનીલ દ્વારા નિર્મિત તેમજ ઇરોઝ દ્વારા પ્રસ્તુત જય હો ફિલ્મ 24મી જાન્યુઆરી, 2014ના રોજ રિલીઝ થનાર છે. સલમાનની બ્લૉક-બસ્ટર દબંગ 2 બાદ આ બીજી ફિલ્મ છે. કમ્પની દ્વારા મુંબઈ સ્ટૉક એક્સચેંજ (બીએસઈ) ખાતે જારી કરાયેલ એક નિવેદનમાં મૅનેજિંગ ડિરેક્ટર સુનીલ લુલાએ જણાવ્યું - ઇરોઝ સલમાનની તાજેતરમાં રિલીઝ થયેલી મોટાભાગની ફિલ્મો સાથે જોડાયેલી રહી છે અને આ સંબંધનો વિસ્તાર જય હોમાં પણ કરાતા અમે ખુશ છીએ.

સોહેલે જણાવ્યું - અમે આ અગાઉ ફિલ્મ પાર્ટનરમાં ઇરોઝ સાથે કામ કર્યું છે. અમને આશા છે કે જય હો સાથે પણ આ ભાગીદારી સફળ નિવડશે. નોંધનીય છે કે ઇરોઝ ઇંટરનેશનલ ફિલ્મ અધિગ્રહણ, સહ-નિર્માણ તેમજ વિતરણ ક્ષેત્રની પ્રમુખ કમ્પની છે કે જે ફિલ્મોનું વિતરણ સિનેમા, ટેલીવિઝન તેમજ ડિજિટલ જેવા તમામ પ્લેટફૉર્મો ઉપર કરે છે. કમ્પની પાસે દેશની એક હજારથી વધુ ફિલ્મોની સમૃદ્ધ લાયબ્રેરી છે.