સલમાનના ફૅન્સ આનંદો : આ જ વર્ષે રિલીઝ થશે મેંટલ

Published: Monday, April 15, 2013, 12:34 [IST]

મુંબઈ, 15 એપ્રિલ : જ્યારથી સમાચાર આવ્યાં છે કે આ વર્ષે સલમાનની કોઈ પણ ફિલ્મ રિલીઝ નહીં થાય, ત્યારથી તેમના ફૅન્સ ખૂબ ઉદાસ થઈ ગયાં છે. હવે ફૅન્સ માટે એક રાહતના સમાચાર છે કે સલમાન ખાન કોઈ પણ હાલતમાં આ વર્ષે પોતાની ફિલ્મ મેંટલ રિલીઝ કરાવવામાં જોતરાઈ ગયાં છે. તે માટે તેઓ લવાસા ખાતે રાત-દિવસ શૂટિંગ કરી રહ્યાં છે.

આ માહિતી તેમના નાના ભાઈ અને મેંટલના નિર્માતા-દિગ્દર્શક સોહેલ ખાને મીડિયાને આપી. સોહેલ ખાને જણાવ્યું - કેટલાંક લોકોએ મને કહ્યું કે સલમાન ખાન નથી ઇચ્છતાં કે આ વર્ષે તેમની કોઈ ફિલ્મ રિલીઝ થાય, તો તેવા લોકોને હું જણાવવા માંગું છું કે આ વાત ખોટી છે. સલમાન ખાન જ ઇચ્છે છે કે તેમની ફિલ્મ મેંટલ આ જ વર્ષે કોઈ પણ કિંમતે રિલીઝ થાય. તેથી સલમાન સતત શૂટિંમાં વ્યસ્ત છે.

સોહેલ ખાને જણાવ્યું કે અમારા પુરતા પ્રયત્નો છે કે મેંટલ આ જ વર્ષે રિલીઝ થાય. હું કેમ જાણી-જોઈને પોતાની ફિલ્મ લેટ કરીશ. સલમાન ખાન પોતે પણ મેંટલ ફિલ્મ આ જ વર્ષે રિલીઝ કરાવવા આતુર છે. નોંધનીય છે કે આ ફિલ્મ દ્વારા અભિનેત્રી ડેઝી શાહ બૉલીવુડમાં પ્રવેશ કરી રહ્યાં છે.

Published On April 15, 2013