• search
For Quick Alerts
ALLOW NOTIFICATIONS  
For Daily Alerts

Pics : બૉલીવુડની નવી હિટ જોડી ‘સોનાક્ષય’

|

મુંબઈ, 7 જૂન : બૉલીવુડમાં હિટ જોડીઓની વણઝાર છે. રાજ-નરગિસથી લઈ અમિતાભ-રેખા, તો અનિલ-માધુરીથી લઈ શાહરુખ-કાજોલ. આ તમામ જોડીઓ તેમના દ્વારા અપાયેલ હિટ ફિલ્મોના કારણે બૉલીવુડની હિટ જોડીઓ તરીકે પ્રખ્યાત થઈ. જોકે જોડીઓ બનવાની આ પરમ્પરા સતત જળવાઈ રહી છે અને એવી જ વધુ એક જોડીનો ઉદય થઈ રહ્યો છે કે જેને આપણે સોનાક્ષય તરીકે સંબોધી શકીએ છીએ.

સમજ્યાં કે નહિં? આપે વિચારતાં હશો કે આ વળી સોનાક્ષય કઈ બલા છે? અરે ભાઈ... સોનાક્ષય એટલે સોનાક્ષી સિન્હા અને અક્ષય કુમાર જ થાય ને. બૉલીવુડ દબંગ સલમાન ખાન સાથે કૅરિયર શરૂ કરનાર સોનાક્ષી સિન્હાની અત્યાર સુધી છ ફિલ્મો રિલીઝ થઈ છે અને તેમાંથી ત્રણમાં તેઓ અક્ષય કુમાર સાથે દેખાયાં છે. તેમાં રાઉડી રાઠોડ તો સુપરહિટ ફિલ્મ સાબિત થઈ. જોકે જોકર નિષ્ફળ નિવડી, તો ઓહ માય ગૉડ ફિલ્મમાં સોનાક્ષીએ માત્ર આયટમ સૉંગ કર્યુ હતું કે જે હિટ થયુ હતું.

હવે આપ વિચારશો કે માત્ર બે ફિલ્મોને કારણે જ આપણે સોનાક્ષયને હિટ જોડી કઈ રીતે કહી શકીએ. અરે ભાઈ, ફિલ્મો ચાલે કે ન ચલે, જોડી તો ચાલે જ છે. એટલે જ તો સોનાક્ષી સિન્હા અને અક્ષય કુમારની જોડી પુનઃ એક વાર વન્સ અપૉન ઍ ટાઇમ ઇન મુંબઈ અગેન ફિલ્મમાં રૂપેરી પડદે આવી રહી છે, તો પિસ્તોલ ફિલ્મનું શૂટિંગ પણ શરૂ થઈ ગયું છે કે જેમાં સોનાક્ષયની જોડી જ છે.

આવો સોનાક્ષયની જોડીની ફિલ્મોની તસવીરો સાથે જાણીએ વધુ વિગતો.

રાઉડી રાઠોડ

રાઉડી રાઠોડ

સોનાક્ષયની પ્રથમ ફિલ્મ રાઉડી રાઠોડ હતી. સલમાન ખાન સાથે દબંગ જેવી હિટ ફિલ્મ દ્વારા કૅરિયર શરૂ કરનાર સોનાક્ષી અંગે લાગતુ હતું કે તેઓ સલમાન સાથે જ હિટ થઈ શકશે, પરંતુ અક્ષય સાથે પ્રથમ જ ફિલ્મ હિટ રહી હતી અને આ જોડી ચાલી નિકળી હતી.

ઓએમજી

ઓએમજી

રાઉડી રાઠોડ પછી આ બંને ઓહ માય ગૉડમાં દેખાયાં, પરંતુ ઓએમજીને આપણે સોનાક્ષયની ફિલ્મ ન કહી શકીએ, કારણ કે તેમાં સોનાક્ષી સિન્હાએ માત્ર આયટમ સૉંગ કર્યુ હતું.

જોકર

જોકર

રાઉડી રાઠોડની સફળતા પછી લોકોને લાગ્યુ હતું કે આ જોડી ફિલ્મને હિટ કરાવી શકે છે અને ફરાહ ખાને સોનાક્ષયને લઈ જોકર ફિલ્મ બનાવી, પરંતુ કોઈ પણ કારણસર આ ફિલ્મ નિષ્ફળ નિવડી હતી.

ઓયૂટીએમએ

ઓયૂટીએમએ

સોનાક્ષયની આ જોડી હવે વન્સ અપૉન ઍ ટાઇમ ઇન મુંબઈ અગેનમાં પુનઃ આવી રહી છે. વન્સ અપૉન ઍ ટાઇમ ઇન મુંબઈની આ સિક્વલમાં અક્ષય કુમાર અને ઇમરાન ખાન છે. જોકે સોનાક્ષી સિન્હા ઇમરાન ખાન સાથે હોવાનું કહેવાય છે.

પિસ્તોલ

પિસ્તોલ

સોનાક્ષય એટલે કે સોનાક્ષી સિન્હા અને અક્ષય કુમારની જોડીની પાંચમી ફિલ્મ પિસ્તોલ આવી રહી છે. તેનું શૂટિંગ શરૂ થઈ ગયું છે. આમિર ખાનની ગઝનીના દિગ્દર્શક એ. આર. મુરુગડોસ પિસ્તોલનું દિગ્દર્શન કરી રહ્યાં છે. પિસ્તોલ એ તામિળ બ્લૉક બસ્ટર ફિલ્મ થુપાક્કીની રીમેક છે. ફિલ્મનું સંગીત પ્રીતમે તૈયાર કર્યું છે.

English summary
Sonakshi Sinah And Akshay Kumar means Sonakshay is the new hit pair of Bollywood.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more