Pics : સોનાક્ષીએ મેદસ્વીપણાના પગલે ગુમાવી એડ

Published: Saturday, December 1, 2012, 13:34 [IST]

મુંબઈ, 1 ડિસેમ્બર : સોનાક્ષી સિન્હાના મેદસ્વીપણાથી તો ઇન્ડસ્ટ્રીમાં તમામ લોકો વાકેફ છે, પરંતુ હવે તેમનું આ મેદસ્વીપણુ હૅડલાઇન્સ બનવા લાગ્યું છે. હાલમાં ચાલતી ચર્ચાઓ મુજબ સોનાક્ષીએ કપડાની એક બ્રાંડની જાહેરાત કરવાનો ઇનકાર કરી દીધો. તે પણ માત્ર એટલા માટે કે બ્રાંડના માલિકે તેમને પોતાનું વજન ઓછું કરવા જણાવ્યું. સોનાક્ષીએ આ મોટા નખરાંથી બ્રાંડના માલિક નારાજ થઈ ગયાં અને હવે જાણવા મળે છે કે આ જાહેરાત સેક્સી દીપિકા પાદુકોણે કરશે.

સોનાક્ષી સિન્હાએ દબંગ ફિલ્મ દ્વારા પોતાનું ફિલ્મી કૅરિયર શરૂ કર્યુ હતું. તે વખતે તેઓ ખૂબ જાડા હતાં, પરંતુ તેમણે પોતાનું વજન ખૂબ ઘટાડી નાંખ્યું. રાઉડી રાઠોડમાં તેઓ અગાઉ કરતાં ઘણાં પાતળા દેખાયાં અને પછી ઓહ માય ગૉડના આયટમ સૉંગમાં સોના ખૂબ સ્લિમ ટ્રિમ દેખાયાં, પરંતુ હવે સાંભળવામાં આવ્યું છે કે સોનાક્ષીનું વજન ફરી વધી ગયું છે અને તેનું કારણ છે સન ઑફ સરદારના શુટિંગ દરમિયાન લેવાયેલ પંજાબી ફૂડ.

હવે ડર એ વાતનો છે કે ક્યાંક દબંગ 2 ફિલ્મમાં સોનાક્ષી ફરીથી મેદસ્વી ન દેખાય. એમ તો તેમના ક્લાસિકલ ડાંસના દરેકે દરેક વખાણ કરી રહ્યાં છે, પરંતુ આમ છતાં આ સમાચારો જોઇ તો અમને પણ શંકા થવા લાગી છે કે ક્યાંક સોના અગાઉ જેવા જાડા તો નહિં થયા ગયા હોય?

હાલ આપણે જોઇએ સોનાક્ષી સિન્હાની એવી તસવીરો કે જેમાં તેઓ સાચે જ મેદસ્વી દેખાય છે અને દબંગ 2ની તસવીરો કે જે તેમના વજન અંગે શું કહે છે.