સોનમ કપૂરે કરી હતી મધુબાલાની નકલ

મુંબઈ, 9 મે : બૉલીવુડ અભિનેત્રી સોનમ કપૂરે જણાવ્યું કે તેઓ જૂના અને પરમ્પરાગત ફૅશનના દીવાના છે તથા એક કાર્યક્રમ દરમિયાન તેમણે હિન્દી ફિલ્મોના જાણીતા અભિનેત્રી મધુબાલાની સાડી પહેરવાની સ્ટાઇલ તેમજ તેમની જેમ સજવાની નકલ કરી હતી.

બૉલીવુડ હાલ ભારતીય સિનેમાના 100 વર્ષ પૂર્ણ થવાની ઉજવણી કરી રહ્યું છે. સોનમ કપૂરે આ સંદર્ભે જણાવ્યું - મધુબાલાએ એક ફિલ્મના ગીત અચ્છા જી મૈં હારી... માં ખૂબ જ સુંદર રીતે એક સાડી પહેરી હતી અને મેં તેવી જ સાડી તે જ રીતે ફિલ્મફૅરની પ્રેસ કૉન્ફરંસમાં પહેરી હતી. તે કાળા રંગની કિનારી સાથે આસમાની રંગની સુંદર સાડી હતી અને તેની સાથે પાછળની બાજુ બટન લાગેલ અડધાથી થોડીક વધુ બાંહનું બ્લાઉઝ હતું.

બૉલીવુડમાં પોતાના ફૅશન તેમજ સ્ટાઇલ માટે જાણીતાં સોનમે કાર્યક્રમમાં જૂના જમાનાની હૅરસ્ટાઇલ સાથે બરાબર એવી જ સાડી પહેરી હતી અને લાલ કલરની લિપસ્ટિક લગાવી હતી કે જે મધુબાલાની ઓળક હતી. મધુબાલા ઉપરાંત સોનમ કપૂરને સાધના, શર્મિલા ટૅગોર, સ્મિતા પાટિલ તથા શબાના આઝમી પસંદ છે.

English summary

Bollywood actress Sonam Kapoor copied Madhubala.