સરળ નહોતો સ્પેશિયલ 26નો રોલ : અક્ષય કુમાર
મુંબઈ, 1 ફેબ્રુઆરી : ફિલ્મોમાં ગઝબનાક તથા ખતરનાક સ્ટંટ્સ કરનાર અક્ષય કુમાર ક્યારેય બૉડી ડબલનો પ્રયોગ નથી કરતાં, પરંતુ આ વખતે તેમના માટે પણ થોડુંક પડકારજનક હતું. જાણવા માંગશો શું? તો આવો આપને બતાવીએ. તેમના માટે પડકારજનક હતો આવનાર ફિલ્મ સ્પેશિયલ 26નો રોલ કે જે તેમને અંદરથી હચમચાવી ગયો. અક્ષયે જણાવ્યું કે આ રોલ તેમના અત્યાર સુધીના કૅરિયરનો સૌથી જુદો અને પડકારજનક છે. તેને ભજવવામાં તેમને ખૂબ મહેનત કરવી પડી.
આપને જણાવી દઇએ કે સ્પેશિયલ 26 ફિલ્મમાં અક્ષય નકલી સીબીઆઈ ઑફિસરની ભૂમિકા ભજવી રહ્યાં છે. આ અગાઉ પણ અક્ષયે જણાવ્યુ હતું કે ફિલ્મની વાર્તા 1987-89ની એક સત્યઘટના પર આધારિત છે. આ બાબત હું શરુઆતમાં સમજી ન શક્યો હતો, તેથી મેં ફિલ્મને હા પાડવામાં ચાર માસ જેટલો સમય લીધો, પરંતુ પછીથી મને વાર્તા સમજાઈ. મને લાગ્યું કે આ માત્ર એક ફિલ્મ નહીં, પણ એક સંદેશ છે કે જેનાથી દરેક નાગરિકે રૂબરૂ થવું જોઇએ. તેથી મેં આ ફિલ્મ કરી છે.
નોંધનીય છે કે નીરડ પાન્ડે દિગ્દર્શિત સ્પેશિયલ 26 ફિલ્મમાં મનોજ બાજપાઈ, અનુપમ ખેર, જિમી શેરગિલ અને કાજલ અગ્રવાલ લીડ રોમાં છે. ફિલ્મ 8મી ફેબ્રુઆરીના રોજ રિલીઝ થવાની છે. ફિલ્મ અંગે અન્ય કલાકારોએ પણ દાવો કર્યો છે કે ફિલ્મ લોકોના હૃદયને સ્પર્શશે અને આ જ અમારો ઉદ્દેશ પણ છે. ફિલ્મમાં અક્ષયે ગીત પણ ગાયું છે. ફિલ્મ માટે અક્ષયે પોતાની ફી પણ અડધી કરી નાંખી છે.