રામચરણ અને ઉપાસનાના લગ્નનો વીડિયો થઈ રહ્યો છે વાયરલ, ઉત્સાહિત થયા ફેન્સ
રામ ચરણ અને તેની પત્ની ઉપાસનાના લગ્નનો એક વીડિયો હાલમાં સોશિયલ મીડિયા પર ઝડપથી વાયરલ થઈ રહ્યો છે.
ચેન્નઈઃ ટૉલિવુડ ફિલ્મ ઈન્ડસ્ટ્રીના સુપરસ્ટાર રામ ચરણ ઘણા છવાયેલા રહે છે. પછી વાત ભલે તેમની ફિલ્મોની હોય કે તેમની તગડી ફેન ફોલોઈંગની. રામ ચરણનો અંદાજ લોકોને ખૂબ ગમે છે. વાસ્તવમાં રામ ચરણ અને તેની પત્ની ઉપાસનાના લગ્નનો એક વીડિયો હાલમાં સોશિયલ મીડિયા પર ઝડપથી વાયરલ થઈ રહ્યો છે. આ વીડિયો સાઉથ સુપરસ્ટાર રામ ચરણના 10મી મેરેજ એનિવર્સરી પહેલાનો છે. આ વીડિયોને દર્શકો ખૂબ જ પસંદ કરી રહ્યા છે.
વાયરલ થયો વીડિયો
વીડિયોમાં જોઈ શકાય છે કે રામ ચરણ અને ઉપાસના સાઉથ ઈન્ડિયન લુકમાં ખૂબ જ ક્યૂટ લાગી રહ્યા છે. લગ્નની સજાવટ પણ ખૂબ સારી છે. ઈન્ડસ્ટ્રીના ભવ્ય લગ્નોમાં શામેલ આ લગ્નમાં મોટા સ્ટાર્સે હાજરી આપી હતી.
આ રીતે શરુ થઈ લવ સ્ટોરી
રામ ચરણની લવ સ્ટોરી વિશે વાત કરીએ તો અભિનેતા ઉપાસનાને કોલેજમાં મળ્યા જ્યાં બંને મિત્રો બન્યા. આ પછી આ મિત્રતા પ્રેમમાં બદલાઈ ગઈ અને 14 જૂન 2012ના રોજ બંનેએ લગ્ન કરી લીધા. રામ ચરણ અને ઉપાસના એક સાથે ખૂબ જ ખુશ છે. ઘણીવાર બંને એકસાથે દેખાય છે અને ફેન્સ પણ બંનેને જોઈને ખૂબ જ ઉત્સાહિત થઈ જાય છે.
આરઆરઆરમાં જોવા મળ્યા
તમને જણાવી દઈએ કે રામ ચરણ ફિલ્મ RRR માં જોવા મળ્યા હતા. આ ફિલ્મમાં તેને ખૂબ પસંદ કરવામાં આવ્યા હતા. આજે તે લાખો દિલો પર રાજ કરી રહ્યા છે.