અભિષેક કપૂરની આગામી ફિલ્મમાં સુશાંત સિંહ રાજપૂત

મુંબઈ, 21 મે : બૉલીવુડ ફિલ્મ દિગ્દર્શક અભિષેક કપૂર અભિનેતા સુશાંત સિંહ રાજપૂત સાથે પોતાની આગામી ફિલ્મનું શૂટિંગ શરૂ કરનાર છે. આ ફિલ્મ દિલ્હી તેમજ કાશ્મીરમાં શૂટ કરવામાં આવશે. સુશાંતે અભિષેક કપૂરની જ કાઇ પો છે ફિલ્મ સાથે બૉલીવુડમાં કારકિર્દી શરૂ કરી હતી.

અભિષેક કપૂરે જણાવ્યું - ફિલ્મની વાર્તા કાશ્મીર તથા દિલ્હી શહેર ઉપર આધારિત છે. એટલે સ્વાભાવિકપણે જ અમે ફિલ્મનું મોટાભાગનું શૂટિંગ કાશ્મીરમાં કરીશું. તેમણે જણાવ્યું કે લેખક ચાર્લ્સ ડિંકેંસની નવલકથા ગ્રેટ એક્સપેક્ટેશંસની આ ફિલ્મી આવૃત્તિના નિર્માતા એકતા કપૂર છે. સુશાંત સિંહ રાજપૂત ફિલ્મમાં મુખ્ય ભૂમિકા ભજવશે.

અભિષેક કપૂર જણાવે છે - ફિલ્મનું શૂટિંગ આ વર્ષે ઑક્ટોબરમાં શરૂ થશે. ફિલ્મના એક નજીકના સૂત્રે જણાવ્યું - અત્યાર સુધી માત્ર સુશાંતનું જ નામ નક્કી થયું છે. ફિલ્મ નિર્માતા ફિલ્મમાં મુખ્ય મહિલા પાત્ર ભજવવા માટે અભિનેત્રીની શોધ કરી રહ્યાં છે.

English summary

Filmmaker Abhishek Kapoor, who introduced Sushant Singh Rajput to filmdom with "Kai Po Che!", is all set to roll the cameras with the actor again for his next film, which will be widely shot in Kashmir.