પત્ની નેહાના બર્થડે પર રોમેન્ટીક થયા પતિ અંગદ, લખી દિલની વાત
અંગદે પોતાની પત્નીના જન્મદિવસ પર તેની સાથે એક ફોટો શેર કરીને સુંદર સંદેશ લખ્યો.
અભિનેત્રી નેહા ધૂપિયા આજે પોતાના જન્મદિવસે પોતાના પતિ અંગદ બેદી અને દીકરી મહર સાથે માલદીવમાં રજાઓ માણી રહી છે. અંગદે પોતાની પત્નીના જન્મદિવસ પર તેની સાથેનો એક ફોટો શેર કરીને સુંદર સંદેશ લખ્યો. તેમણે પત્નીને ખભે લઈને સુંદર ફોટો શેર કર્યો અને લખ્યુ કે તે રોજ ભગવાનનો આભાર માને છે કે નેહા તેમના જીવનમાં આવી.
અંગદે લખ્યો આ પ્રેમાળ સંદેશ
અંગદે નેહાનો ફોટો સાથે લખ્યુ કે - ‘જન્મદિવસ મુબારક મારી પ્રેમિકા. હું રોજ ભગવાનનો આભાર માનુ છુ કે તેમણે તને મારા જીવનમાં મોકલી. તુ મારા માટે સૌથી પ્રેમાળ જગ્યા છે. વાહે ગુરુ મહર કરે !! મે એક માંગી પરંતુ મને તારા જેવી બે મળી. મહર તારો પડછાયો છે અને આશા રાખુ છુ કે તે મોટી થઈને તારા જેવી બને. તારુ સૌથી શાનદાર વર્ષ હોય. આ લવ યુ નેહા ધૂપિયા.'
|
નેહાના શોમાં પતિએ ખોલ્યા રાઝ
હાલમાં જ ‘નો ફિલ્ટર નેહા' શોમાં પતિ અંગદ બેદીએ ઘણા ચોંકાવનારા ખુલાસા કરીને સહુને ચોંકાવી દીધા. ઈન્ટરવ્યુ દરમિયાન અંગદે જણાવ્યુ કે નેહા લગ્ન પહેલા પ્રેગ્નેન્ટ થઈ ચૂકી હતી. સાથે તેમણે એ પણ કહ્યુ કે જ્યારે અંગદ અને નેહાએ આ વાત પોતાના ઘરવાળાને જણાવી તે ખૂબ નારાજ થયા. તેમણે આના માટે ખૂબ ગુસ્સો પણ કર્યો.
આ પણ વાંચોઃ વિદ્યા બાલને કાસ્ટિંગ કાઉચ વિશે કર્યો એક મોટો ખુલાસો
ગયા વર્ષે અંગદ અને નેહાએ કર્યા હતા લગ્ન
નેહા અને અંગદે ગયા વર્ષે લગ્ન કર્યા હતા અને બંનેને એક 9 મહિનાની દીકરી પણ છે. બંને એકબીજા માટે સુંદર પોસ્ટ શેર કરીને ઘણી વાર સમાચારોમાં છવાયેલા રહે છે. નેહાએ વેલેન્ટાઈન ડે પર અંગદ માટે ઈન્સ્ટાગ્રામ પર સુંદર પોસ્ટ લખી હતી જે ખૂબ વાયરલ થઈ હતી.