'ધ કેરલ સ્ટોરી' બ્લૉક બસ્ટર સાબિત થશે? ચોથા દિવસે પણ બંપર કમાણી, કમાયા આટલા કરોડ
The Kerala Story Box Office Collection Day 4: તમામ વિરોધ વચ્ચે અદા શર્માની ફિલ્મ 'ધ કેરાલા સ્ટોરી' બૉક્સ ઑફિસ પર જબરદસ્ત કમાણી કરી રહી છે. ફિલ્મે વીકએન્ડ પર ધૂમ મચાવી હતી અને એ પછી પણ ફિલ્મનુ કલેક્શન જબરદસ્ત થઈ રહ્યુ છે.
ફિલ્મ ધ કેરળ સ્ટોરી 5 મેના રોજ સિનેમાઘરોમાં આવી હતી. જે બાદ દેશભરના ઘણા રાજ્યોમાં આ ફિલ્મ પર પ્રતિબંધ મુકવામાં આવ્યો હતો. કેટલાક રાજ્યોમાં લોકો ફિલ્મને સમર્થન આપી રહ્યા છે અને સરકારે તેને ટેક્સ ફ્રી કરવાનો નિર્ણય લીધો છે.
ફિલ્મનુ સ્ક્રિનિંગ રોકવા છતાં લોકો તેને જોરદાર પ્રતિસાદ આપી રહ્યા છે. આટલી બધી મુશ્કેલીઓ છતાં પણ ફિલ્મ મોટી કમાણી કરી રહી છે. રિલીઝના 4 દિવસમાં જ ફિલ્મે 45 કરોડનો આંકડો પાર કરી લીધો છે. અહેવાલો મુજબ કેરળ સ્ટોરીએ શુક્રવારે 8 કરોડનુ કલેક્શન કરીને ભવ્ય શરૂઆત કરી હતી. શનિવારે તેણે 11.22 કરોડની કમાણી કરીને જબરદસ્ત ઉછાળો નોંધાવ્યો હતો. ફિલ્મે રવિવારે 16 કરોડનુ કલેક્શન કર્યુ હતુ.
આ ત્રણ દિવસમાં ફિલ્મે 35 કરોડથી વધુનો બિઝનેસ કર્યો છે. ફિલ્મને વીકેન્ડમાં ઘણો ફાયદો થયો. અહેવાલો મુજબ ફિલ્મે સોમવારે 10.50 કરોડ રૂપિયાનું કલેક્શન કર્યુ છે અને લગભગ આ જ આંકડો શનિવારે પણ રહ્યો હતો. કુલ મળીને આ ફિલ્મે અત્યાર સુધીમાં 43.85 કરોડ રૂપિયાની કમાણી કરી લીધી છે. આવી સ્થિતિમાં ફિલ્મને વિવાદોથી ઘણો ફાયદો થયો એમ કહેવું ખોટું નહીં ગણાય.
મીડિયા રિપોર્ટ્સ અનુસાર, સુદીપ્તો સેનની ફિલ્મ ધ કેરલા સ્ટોરી લગભગ 40 કરોડના બજેટમાં બની છે. ફિલ્મમાં અદા શર્માની એક્ટિંગ ચાહકોને ઘણી પસંદ આવી રહી છે. અત્યાર સુધી આ ફિલ્મે બજેટ કરતાં વધુ કમાણી કરી છે. આવનારા દિવસોમાં ફિલ્મને કેવો પ્રતિસાદ મળે છે તે જોવુ રહ્યુ.
Click it and Unblock the Notifications
Sign in with Google
