વિવિધ આરોપમાં કાયદાના ચક્કરમાં ફસાયા છે આ બોલિવૂડ સ્ટાર, જાણો કોના પર શું આરોપ છે?
બોલિવૂડ સ્ટાર અને વિવાદોનો જુનો સંબંધ છે. બોલિવૂડ સ્ટાર તેની અંગત અને જાહેર લાઈફને લઈને સતત ચર્ચામાં રહે છે. બોલિવૂડના ઘણા સ્ટાર એવા છે જે રૂપિયાના ચક્કરમાં ઈડીની ચુંગાલમાં ફસાયા છે.
બોલિવૂડ સ્ટાર અને વિવાદોનો જુનો સંબંધ છે. બોલિવૂડ સ્ટાર તેની અંગત અને જાહેર લાઈફને લઈને સતત ચર્ચામાં રહે છે. બોલિવૂડના ઘણા સ્ટાર એવા છે જે રૂપિયાના ચક્કરમાં ઈડીની ચુંગાલમાં ફસાયા છે. આ બોલિવૂડ સ્ટારની ઈડી સતત પુછપરછ કરી રહી છે.
રિયા ચક્રવર્તી
સુશાંતસિંહ રાજપૂતના મોત બાદ રિયા ચક્રવર્તીની ધરપકડ કરાઈ હતી. ત્યારબાદ લાંબા સમય સુધી ED અને NCBએ રિયાની પૂછપરછ કરી હતી. રિયા પર સુશાંતને ડ્રગ્સ સપ્લાય કરવાનો આરોપ લાગ્યો હતો.
વિજય દેવરકોંડા
સાઉથનો સુપર સ્ટાર વિજય દેવરકોંડા પણ ઈડીની રડારમાં છે. હાલમાં જ રિલિઝ થયેલી તેની ફિલ્મ લાઈગરને લઈને તે વિવાદમાં આવ્યો હતો. ઈડી લાઈગરના ફંડિંગને લઈને તેની પુછપરછ કરી રહી છે.
ઐશ્વર્યા રાય
વિવાદોમાંથી ઐશ્વર્યા રાય પણ બાકાત નથી. ઐશ્વર્યા રાયનું નામ પનામાં પેપર વિવાદમાં સામે આવ્યુ હતું. જે બાદ તેની લાંબી પુછપરછ કરાઈ હતી.
ભારતી સિંહ
જાણીતી કોમેડિયન ભારતી સિંહ પણ ઈડીના ચક્કરમાં ફસાઈ છે. ભારતી સિંહ અને તેના પતિ હર્ષ લિંબાચીયાની ડ્રગ્સના કેસમાં ધરપકડ કરી હતી. હાલ બન્ને જામીન પર બહાર છે.
દીપિકા પાદુકોણ
સુશાંતસિંહ રાજપૂતા મોત બાદ ઘણા બોલિવૂડ સ્ટાર તરફ આંઘળી ચિંધાઈ હતી. આમાં દીપિકા પણ સામેલ છે. દીપિકાનું નામ ડ્રગ્સ મુદ્દે સામે આવ્યા બાદ તેની પુછપરછ કરાઈ હતી.
શ્રદ્ધા કપૂર
આ લિસ્ટમાં શ્રદ્ધા કપૂર પણ સામેલ છે. ડ્રગ્સને લઈને તેની પણ એનસીબીએ કલાકો સુધી પુછપરછ કરી હતી.
નોરા ફતેહી
200 કરોડના મની લોન્ડરિંગ કેસમાં જેકલીન ફર્નાન્ડિસ સાથે સાથે નોરાનું નામ પણ સામે આવ્યુ છે. આ કેસમાં હાલમાં જ નોરાની ફરીથી પુછપરછ કરાઈ છે. ઈડી સતત તેની તપાસ કરી રહી છે.
જેકલીન ફર્નાન્ડિસ
200 કરોડના મની લોન્ડરિંગ કેસમાં જેકલીન ફર્નાન્ડિસનું નામ સામે આવ્યુ છે. ઠગ સુકેશ ચંદ્રશેખર પાસેથી કરોડો રૂપિયાની મોંઘી ગિફ્ટ લેવાનો આરોપ છે. આ કેસમાં જેકલીન ફર્નાન્ડિસની સતત પુછપરછ થઈ રહી છે.
Click it and Unblock the Notifications
Sign in with Google
